ମୁମ୍ବାଇ: ବଲିଉଡର ଲୋକପ୍ରିୟ ନାୟିକ ରଣବୀର ସିଂହଙ୍କୁ ଦୀପିକା ପାଦୁକୋନ୍ ବିବାହ କରିବାକୁ ଯାଉଛନ୍ତି। ହେଲେ ଆପଣ ଜଣନ୍ତି କି ଦୀପିକା ପାଦୁକୋନ୍ ଙ୍କର ଏକ୍ସ ବୟଫ୍ରେଣ୍ଡ୍ ବି ବାହା ହେବେ । ଦୀପିକାଙ୍କର ଏହି ପୂର୍ବତନ ପ୍ରେମିକ ଜଣକ ହେଲେ ନିହାର ପାଣ୍ଡ୍ୟା। ନିହାର ପାଣ୍ଡ୍ୟା ଏବେ କଙ୍ଗନା ରାନାଓ୍ଵତ୍ଙ୍କ ଅଭିନୀତ ‘ମଣିକାର୍ଣ୍ଣିକା’ଫିଲ୍ମ ଡେବ୍ୟୁ କରୁଛନ୍ତି।
ନିହାର ବଲିଉଡର ଲୋକପ୍ରିୟ ଲୋକପ୍ରିୟ ଗାୟିକା ନୀତି ମୋହନଙ୍କୁ ବିବାହ କରୁଛନ୍ତି। ନିହାର-ନୀତିଙ୍କ ବାହାଘର ୨୦୧୯ ଜାନୁଆରୀ ମାସରେ ଅନୁଷ୍ଠିତ ହେବ ବୋଲି ଜଣାଯାଇଛି।
କଣ୍ଠଶିଳ୍ପୀ ନୀତି ମୋହନ କରଣ ଜୋହରଙ୍କ ‘ଦ ଷ୍ଟୁଡେଣ୍ଟ୍ ଅଫ୍ ଦ ଇଅର୍’ର ଇଶ୍କ ବାଲା ଲଭ୍…ରଣବୀର ସିଂ-ଦୀପିକାଙ୍କ ଅଭିନୀତ ‘ପଦ୍ମାବତ୍’ର ଗୀତ ‘ନୈନା ବାଲୋଁନେ….,ଓ କାଟ୍ରିନା କୈଫ୍-ଅନଷ୍କା ଶର୍ମା ଷ୍ଟାରର୍, ଜିୟା ଜିୟାରେ… ସମେତ ବହୁ ସୁପରହିଟ୍ ଗୀତରେ କଣ୍ଠଦାନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନାଯୋଗ୍ୟ ଯେ ନିହାର ଓ ଦୀପିକା ବେଙ୍ଗଲୁରୁରେ ମଡେଲିଂ ସମୟରେ ପରସ୍ପରକୁ ଡେଟ୍ କରୁଥିଲେ। ତା’ପରେ ସେ ଦୁହେଁ ସାଙ୍ଗ ହୋଇ ମୁମ୍ବାଇ ଆସିଥିଲେ। ଦୀପିକା ପାଦୁକୋନ୍ ବଲିଉଡରେ ‘ଓମ୍ ଶାନ୍ତି ଓମ୍ ’ଜରିଆରେ ବିଗ୍ ବ୍ରେକ୍ ପାଇଥିଲେ ଓ ସଫଳତାର ଶୀର୍ଷରେ ପହଞ୍ଚଥିଲେ। ହେଲେ ନିହାର ସଫଳତା ପାଇ ନ ଥିଲେ।