ରଣବୀର କପୁର ଓ ଆଲିଆ ଭଟ୍ଟ ଏକାଠି ବିଜ୍ଞାପନରେ କାମ କରିବାକୁ ମନା କଲେ , ଜାଣନ୍ତୁ କାରଣ
ମୁମ୍ବାଇ : ରଣବୀର କପୁର ଓ ଆଲିଆ ଭଟ୍ଟଙ୍କ ପ୍ରେମ ସଂପର୍କକୁ ନେଇ ବଲିଉଡରେ ଚର୍ଚ୍ଚା ଜାରି ରହିଛି। ଏ ଦୁହେଁ ପ୍ରେମ ଯୁଗଳ ଭାବେ ବେଶ୍ ଚର୍ଚ୍ଚାରେ ରହିଛି। ଯେବେଠୁଁ ରଣବୀର କପୁର ଓ ଆଲିଆ ଭଟ୍ଟ ‘ବ୍ରହ୍ମାସ୍ତ୍ର’ର ସୁଟିଂ କରିଲେଣି, ସେବେଠୁଁ ସେ ଦୁହିଁଙ୍କର ରୋମାନ୍ସର ଖବର ଶିରୋନାମାରେ ରହିଛି।
ଏଇ ନିକଟରେ ରଣବୀର କପୁର ଓ ଆଲିଆ ଭଟ୍ଟଙ୍କୁ ଗୋଟିଏ ବିଜ୍ଞାପନରେ କାମ କରିବା ଲାଗି ଅଫର୍ ମିଳିଥିଲା। କୁହାଯାଉଛି ଏକ ବଡ଼ କଂପାନି ଏ ଦୁଇ କଳାକାରଙ୍କୁ ନିଜ ବିଜ୍ଞାପନରେ ଏକାଠି ଆଣିବାର ଉଦ୍ୟମ କରିଥିଲେ। କିନ୍ତୁ ଏଥିପାଇଁ ଉଭୟ ରଣବୀର ଓ ଆଲିଆ ମନା କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଭଳି କରିବାର କାରଣ ହେଉଛନ୍ତି ନିର୍ମାତା କରଣ ଜୋହର୍। କରଣ ଜୋହର୍ ଚାହୁଁଛନ୍ତି କି ‘ବ୍ରହ୍ମାସ୍ତ୍ର’ର ରିଲିଜ୍ ପୂର୍ବରୁ ରଣବୀର ଓ ଆଲିଆ ଏକାଠି ଅନ୍ୟ କେଉଁଠି ବି କାମ ନ କରନ୍ତୁ।
ଯଦି ସେମାନଙ୍କର ରୋମାନ୍ସଙ୍କୁ ଭିନ୍ନ ରୂପ ଦିଆଯାଏ ବିଜ୍ଞାପନରେ, ତେବେ ତାହାର ଖରାପ ପ୍ରଭାବ ପଡ଼ିବ ‘ବ୍ରହ୍ମାସ୍ତ୍ର’ର ବ୍ୟବସାୟ ଉପରେ। ଖାଲି ସେତିକି ନୁହେଁ କରଣ ଜୋହର ଏକଥା ବି ଚାହୁଁଛନ୍ତିି ଯେ ‘ବ୍ରହ୍ମାସ୍ତ୍ର’ ରିଲିଜ୍ ହେବା ଆଗରୁ ରଣବୀର ଓ ଆଲିଆଙ୍କ ପ୍ରେମର ଖୁଲାସା ନ ହେଉ। ‘ବ୍ରହ୍ମାସ୍ତ୍ର’ ରିଲିଜ୍ ହେବା ଯାଏଁ ଉଭୟଙ୍କୁ ଅପେକ୍ଷା କରିବା ଲାଗି କହିଛନ୍ତି କରଣ ଜୋହର୍ ।
ଏଠାରେ ସୂଚନାଯୋଗ୍ୟ ଅୟାନ୍ ମୁଖାର୍ଜୀଙ୍କ ନିର୍ଦ୍ଦେଶିତ ‘ବ୍ରହ୍ମାସ୍ତ୍ର’ ଆଗାମୀ ବର୍ଷ ଅଗଷ୍ଟ ୧୫ ତାରିଖରେ ରିଲିଜ୍ ହେବ।