ଏହା ଧାର୍ମିକ ସ୍ଥଳୀକୁ ଯିବାର ସମୟ ନୁହେଁ : ଏ ଆର୍ ରେହମାନ୍
ମୁମ୍ବାଇ: ସାରା ବିଶ୍ବରେ କରୋନା ଆତଙ୍କ ଲାଗି ରହିଥିବା ବେଳେ ଲୋକମାନଙ୍କୁ ସରକାରଙ୍କ କଥା ମାନି ସତର୍କ ରହିବାକୁ ବାର୍ତ୍ତା ଦେଇଛନ୍ତି ବଲିଉଡ୍ର ଜଣାଶୁଣା ସଂଗୀତ ନିର୍ଦ୍ଦେଶକ ଏଆର୍ ରହମାନ। ଏ ସମୟରେ ଧାର୍ମିକ ସ୍ଥାନଗୁଡ଼ିକୁ ଯାଇ ସମସ୍ୟା ବଢ଼ାନ୍ତୁ ନାହିଁ ବୋଲି ସେ ବୁଧବାର ସୋସିଆଲ୍ ମିଡିଆରେ ପ୍ରକାଶ କରିଛନ୍ତି। ସରକାରଙ୍କ ଉପଦେଶ ମାନି ନିଜକୁ ପୃଥକ ଭାବେ ରଖନ୍ତୁ ବୋଲି ସେ ପରାମର୍ଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
This message is to thank the doctors, nurses and all the staff working in hospitals and clinics all around India, for their bravery and selflessness… pic.twitter.com/fjBOzKfqjy
— A.R.Rahman (@arrahman) April 1, 2020
ଦିଲ୍ଲୀର ନିଜାମୁଦ୍ଦିନ ଅଞ୍ଚଳରେ ଥିବା ମସ୍ଜିଦ୍ରେ ସହସ୍ରାଧିକ ଲୋକ ଧାର୍ମିକ ସମ୍ମିଳନୀ କରି ଶତାଧିକ ସଂଖ୍ୟାରେ କରୋନା ଆକ୍ରାନ୍ତ ହୋଇଥିବା ବେଳେ ଅନେକଙ୍କ ମୃତ୍ୟୁ ଘଟିବା ସହ ଚାରିଆଡ଼େ ଭାଇରସ୍ ବ୍ୟାପି ଯାଇ ଦେଶବ୍ୟାପୀ ଆଶଙ୍କାର କାରଣ ବନିବା ପରେ ସେ ଏପରି ପୋଷ୍ଟ୍ କରିଛନ୍ତି। ସାରା ବିଶ୍ବରେ କରୋନା ହୁ ହୁ ହୋଇ ବଢ଼ି ଚାଲିଥିବା ବେଳେ ବିନା ସରକାରୀ ଅନୁମତିରେ ଉକ୍ତ ମସ୍ଜିଦ୍ରେ ହୋଇଥିବା ଧାର୍ମିକ ସମାବେଶ ଏବେ ସଭିଙ୍କୁ ଚକିତ କରିବା ସହ ଭାରତକୁ ଆହୁରି ବିପଦ ଆଡ଼କୁ ନେଇଯାଇଛି।
ସଂଗୀତ ନିର୍ଦ୍ଦେଶକ ରହମାନ ଦେଶର ହସ୍ପିଟାଲ୍ ଓ କ୍ଲିନିକ୍ରେ କାର୍ଯ୍ୟ କରୁଥିବା ସମସ୍ତ ଡାକ୍ତର, ନର୍ସ ଓ କର୍ମଚାରୀମାନଙ୍କୁ ତାଙ୍କ ଟ୍ବିଟ୍ ମାଧ୍ୟମରେ ଧନ୍ୟବାଦ୍ ଜଣାଇଛନ୍ତି। ସେ ଶେଷରେ ସବୁ ଲୋକଙ୍କ ଭିତରେ ଏକତା ରହୁ ବୋଲି ଇଚ୍ଛା ବ୍ୟକ୍ତ କରିଛନ୍ତି।