ଭୁବନେଶ୍ୱର: ଓଲିଉଡର ଲୋକପ୍ରିୟ ନାୟିକା ରୀୟା ଦେ ‘ପ୍ରେମ ଅଢେଇ ଅକ୍ଷର’ ସିନେମା ଜରିଆରେ ଡେବ୍ୟୁ କରିଥିଲେ ଓଲିଉଡ ଇଣ୍ଡଷ୍ଟ୍ରିରେ। ଏଥିରେ ତାଙ୍କର ହିରୋ ଥିଲେ ଆଜିକାର ସୁପରଷ୍ଟାର୍ ବାବୁସାନ୍। ଏହାପରେ ଟପ୍ ହିରୋଇନ୍ ରୀୟା, ଅମ୍ଳାପ, ଆକାଶ, ସିଦ୍ଦାନ୍ତ, ଅଭିଷେକ ଓ ସବ୍ୟସାଚୀ ଙ୍କ ଭଳି ପ୍ରତିଷ୍ଠିତ ନାୟକଙ୍କ ସହ ସ୍କ୍ରିନ-ସେଆର୍ କରିଛନ୍ତି।
ଓଲିଉଡର ଟପ୍ ହିରୋଇନ୍ ରୀୟା ଦେ ତାଙ୍କର ଦୀର୍ଘ ୮ ବର୍ଷର କ୍ୟାରିଅର୍ରେ ମାତ୍ର ଦୁଇ ଜଣ ନ୍ୟୁକମରଙ୍କର ନାୟିକା ବନିଛନ୍ତି। ରୀୟାଙ୍କର ଏ ଦୁଇ ନୂଆ ନାୟକ ଥିଲେ ଅମନ୍ ଓ ମୁନ୍ନା। ଶ୍ରୀଧର ମାର୍ଥାଙ୍କ ପ୍ରଯୋଜିତ ତଥା ଶୈଳେନ୍ଦ୍ର ପରିଡ଼ାଙ୍କ ନିର୍ଦ୍ଦେଶିତ ସିନେମା‘କଥା ଦେଲି ମଥା ଛୁଇଁ’ ରେ ଓଲିଉଡର ଟପ୍ ହିରୋଇନ୍ ରୀୟାଙ୍କ ବିପକ୍ଷରେ ନାୟିକା ସାଜିଥିଲେ ନବାଗତ ଅମନ୍ ।
Sambad is now on WhatsApp
Join and get latest news updates delivered to you via WhatsApp
ଠିକ୍ ସେହିପରି ଅଶୋକ କୁମାର ଦାଶଙ୍କ ପ୍ରଯୋଜନା ଓ ଶ୍ରୀତମ୍ ଦାସଙ୍କ ନିର୍ଦ୍ଦେଶନାରେ ତିଆରି ସିନେମା‘ଦିଓ୍ଵାନା ହେଲି ତୋ’ ପାଇଁ’ ଓଲିଉଡର ହଟ୍ ହିରୋଇନ୍ ରୀୟା ନଜର ଆସିଥିଲେ। ଏଥିରେ ତାଙ୍କ ସହ ନାୟକ ଭାବେ ଓଲିଉଡରେ ଡେବ୍ୟୁ କରିଛନ୍ତି ମୁନ୍ନା। ଉଭୟ ନବାଗତଙ୍କ ସହ ରୀୟାଙ୍କୁ ଦର୍ଶକ ପସନ୍ଦ କରିଛନ୍ତି।