ବାହୁବଳୀ ପ୍ରଭାସ ପୁଣି ଥରେ କରଣଙ୍କ ଅଫରକୁ ପ୍ରତ୍ୟାଖ୍ୟାନ କଲେ, ଦର୍ଶାଇଲେ ଏହି କାରଣ

0 1,041

ମୁମ୍ବାଇ : ବାହୁବଳୀ ଚଳଚ୍ଚିତ୍ରରୁ ସମସ୍ତଙ୍କ ହୃଦୟର ସ୍ପନ୍ଦନ ପାଲିଟିଥିବା ଅଭିନେତା ପ୍ରଭାସ ବର୍ତ୍ତମାନ ପୁଣି ଥରେ ଚର୍ଚ୍ଚାରେ । ତେବେ ଏଥର ସେ ତାଙ୍କ ଚଳଚ୍ଚିତ୍ର ପାଇଁ ନୁହଁ ବରଂ ତାଙ୍କ ନଖରାମି ପାଇଁ ଚର୍ଚ୍ଚାକୁ ଆସିଛନ୍ତି । ପ୍ରକୃତରେ ବର୍ତ୍ତମାନ ଉଭୟ ବଲିଉଡ୍‌ ଏବଂ ଟଲିଉଡ୍‌ରେ ପ୍ରଭାସଙ୍କର ବହୁତ ଚାହିଦା ରହିଛି। ସମସ୍ତ ନିର୍ଦ୍ଦେଶକ ଏବଂ ପ୍ରଯୋଜକ ପ୍ରଭାସଙ୍କ ସହିତ ଚଳଚ୍ଚିତ୍ର କରିବା ପାଇଁ ଆଶାବାନ୍ଧି ବସିଛନ୍ତି ।ସେହି ତାଲିକାରେ ରହିଛନ୍ତି ବଲିଉଡର ପ୍ରସିଦ୍ଧ ପ୍ରଯୋଜକ- ନିର୍ଦ୍ଦେଶକ କରଣ ଜୋହର । ସେ ପ୍ରଭାସଙ୍କୁ ବଲିଉଡରେ ଲଞ୍ଚ କରିବା ପାଇଁ ଦୁଇ ଥର ଚେଷ୍ଟା କରି ବିଫଳ ହୋଇଛନ୍ତି ।

Panda Mobile only
India TV

ଧର୍ମା ପ୍ରଡକ୍ଟସନର ମୁଖ୍ୟ କରଣ ଜୋହରଙ୍କୁ ପ୍ରଭାସ ୨୦ କୋଟି ଟଙ୍କା ପାରିଶ୍ରମିକ ମାଗିବାରୁ କରଣ ତାଙ୍କ ସହିତ ଚଳଚ୍ଚିତ୍ର କରିବା ପାଇଁ ସକ୍ଷମ ନୁହନ୍ତି ବୋଲି କହିଥିବା ବେଳେ ବର୍ତ୍ତମାନ କହିଛନ୍ତି ସମୟର ଅଭାବ । କରଣଙ୍କ ଅଫରକୁ ଦ୍ୱିତୀୟ ଥର ପାଇଁ ପ୍ରଭାସ ନାମଞ୍ଜୁର କରିଛନ୍ତି । ପ୍ରଭାସ ତାଙ୍କ ଆଗାମୀ ଚଳଚ୍ଚିତ୍ରର ସୁଟିଂରେ ବ୍ୟସ୍ତ ରହିଥିବାରୁ ତାଙ୍କ ପାଖରେ ସମୟର ଘୋର ଅଭାବ ରହିଥିବା ସେ କହିଛନ୍ତି । ତେବେ ବର୍ତ୍ତମାନ ତାଙ୍କ ଆଗାମୀ ଚଳଚ୍ଚିତ୍ର ‘ସାହୋ’ର ସୁଟିଂରେ ବ୍ୟସ୍ତ ରହିଛନ୍ତି ପ୍ରଭାସ । ଏଥିରେ ପ୍ରଭାସଙ୍କ ବିପକ୍ଷରେ ଫିଲ୍ମ ‘ଆଶିକି-୨’ ନାୟିକା ଶ୍ରଦ୍ଧା କପୁର ରହିଥିବା ବେଳେ ଏହାର ସୁଟିଂ ବର୍ତ୍ତମାନ ଆବୁଧାବିରେ ଚାଲୁ ରହିଛି ।

ସମ୍ବନ୍ଧିତ ଖବର

Leave A Reply

Your email address will not be published.