ଘନେଇଲା କଙ୍ଗନା-ନିହାଲନୀ ବିବାଦ: ସେ କେବଳ ଅନ୍ୟମାନଙ୍କୁ ନେଇ ମିଛ କହି ଜାଣନ୍ତି ବୋଲି କହିଲେ ନିହାଲନୀ
ମୁମ୍ବାଇ : ଅଭିନେତ୍ରୀ କଙ୍ଗନା ରାଣାଓ୍ଵତ୍ ସେନ୍ସର ବୋର୍ଡର ପୂର୍ବତନ ମୁଖ୍ୟ ପହଲାଜ୍ ନିହାଲନୀଙ୍କୁ ନେଇ ଏକ ବିବାଦୀୟ ବୟାନ ଦେଇଥିଲେ । । ନିହାଲନୀ କଙ୍ଗନାଙ୍କୁ ଏକ ଫିଲ୍ମ ଅଫର କରିବା ସହ ଫିଲ୍ମ ପାଇଁ ଅର୍ନ୍ତବସ୍ତ୍ର ନ ପିନ୍ଧି ଫଟୋସୁଟ୍ କରିବାକୁ କହିଥିବା କଥା କଙ୍ଗନା ଗତକାଲି ନିଜର ଏକ ବୟାନରେ ଜଣାଇଥିଲେ । ଏହାର ଜବାବ ରଖି ମୋ ସହ ଖେଳ ନାହିଁ, ମୋ ପାଖରେ ମଧ୍ୟ କହିବାକୁ ବହୁତ କିଛି ଅଛି ବୋଲି କହିଥିଲେ ନିହାଲନୀ । ଏବେ ପୁଣି ଥରେ ସେ ଚୁପ୍ ନ ରହି କଙ୍ଗନାଙ୍କ ଗୋଟେ ପରେ ଗୋଟେ ରାଜ୍ ଖୋଲୁଥିବା ଦେଖା ଯାଇଛି । ମିଳିଥିବା ସଫଳତା ପାଇଁ କଙ୍ଗନା ଯୋଗ୍ୟ ନୁହନ୍ତି ବୋଲି କହି ନିହଲାନୀ ବିବାଦକୁ ଆହୁରି ବଢ଼ାଇଛନ୍ତି । ଏହା ସହ କଙ୍ଗନାଙ୍କ ମୋବାଇଲ ନମ୍ବର ବଦଳାଇବା କଥାକୁ ମଧ୍ୟ ମିଛ ବୋଲି କହିଛନ୍ତି ନିହଲାନୀ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କଙ୍ଗନା ନିହ୍ଲାନୀଙ୍କ ଉପରେ ବିନା ଅର୍ନ୍ତବସ୍ତ୍ରରେ ଫଟୋସୁଟ୍ କରାଇଥିବାର ଅଭିଯୋଗ ଆଣିବା ସହ ଫଟୋସୁଟ୍ ପରେ ସେ ସେଟ୍ରୁ ତୁରନ୍ତ ଚାଲି ଆସିବା ସହ ଫୋନ ନମ୍ବର ବଦଳାଇ ଦେଇଥିବା କହିଥିଲେ । ଏବେ କଙ୍ଗନା ନମ୍ବର ବଦଳାଇବା କଥାକୁ ମିଛ ବୋଲି କହି କଙ୍ଗନା ଏବେ ବି ସେ ନମ୍ବର ବ୍ୟବହାର କରୁଥିବା କହିଛନ୍ତି ନିହାଲନୀ ।
ତାଙ୍କ କହିବା ଅନୁଯାୟୀ, କଙ୍ଗନା ମୋତେ ନେଇ ବିବାଦୀୟ ବୟାନ ଦେବା ପରେ ମୁଁ ତାଙ୍କ ପରୁଣା ନମ୍ବରକୁ କଲ୍ କରିଥିଲି । ସେ ମୋ ଫୋନ୍ ନ ଉଠାଇ, ମୁଁ ତୁମ ସହ ଆଜି କଥା ହେବି ବୋଲି ମେସେଜ କରିଥିଲେ । ଯଦି ସେ ନମ୍ବର ବଦଳାଇଥିଲେ, ତେବେ ମେସେଜ୍ କିପରି କଲେ? କଙ୍ଗନା ଆଜି ପର୍ଯ୍ୟନ୍ତ କେବଳ ମିଛ କହି ଆସିଛନ୍ତି । ତାଙ୍କୁ ମୋର ସେହି ଫଟୋସୁଟ୍ ପରେ ହିଁ ସଫଳତା ମିଳିବା ଆରମ୍ଭ ହୋଇଥିଲା । କିନ୍ତୁ ଏବେ ସେ ମୋତେ ନେଇ ମିଛ କହୁଛନ୍ତି । ମିଳିଥିବା ସଫଳତା ପାଇଁ ଯୋଗ୍ୟ ନୁହନ୍ତି ବୋଲି କହିଛନ୍ତି ନିହ୍ଲାନୀ ।