ଭୁବନେଶ୍ୱର: ଦୁଇ ବର୍ଷ ତଳେ ଏକ ଓଡ଼ିଆ ସିନେମା ରିଲିଜ୍ ହୋଇଥିଲା ଯାହାର ଟାଇଟଲ ହେଲା ‘ହେ ପ୍ରଭୁ ଦେଖା ଦେ’ । ଏଥିରେ ଅନୁ ଚୌଧୁରୀ, ପ୍ରଜ୍ଞା, ହରିହର , ମିହିର ଦାସ, ପପୁ ପମପମ ଏବଂ ସଲିଲ ମିତ୍ର ବହୁ କୋଟି ମୂଲ୍ୟର ଏକ ଦୁର୍ଲଭ ଗଣେଶ ମୂର୍ତ୍ତି ସୁଦୂର କେରଳରୁ ଚୋରି ହୋଇ ଆସେ ଭୁବନେଶ୍ୱର । ଏହି ମୂର୍ତ୍ତିକୁ ହାତେଇବା ଲାଗି ହୁଏ ଯୋଜନା। ପ୍ରଥମେ ଜଣେ ଇଣ୍ଟରନାସନାଲ୍ ସ୍ମଗଲର୍ ଜି.ଏମ୍ ଶଙ୍କରା। ଏହାକୁ ପାଇବା ପାଇଁ ଦିନରାତି ଏକ କରିଦିଏ। ଏ ଖବର ପହଞ୍ଚେ ଲୋକାଲ୍ ଡନ ପାଖରେ । ସେ ବି ଏହି ଗଣେଶ ମୂର୍ତ୍ତିକୁ ହାତେଇ ବିଦେଶରେ ବିକ୍ରି କରି ମାଲାମାଲ୍ ହେବାର ସ୍ୱପ୍ନ ଦେଖନ୍ତି। ହେଲେ ଡନର ସ୍ୱପ୍ନ ପୂରଣ ହୋଇ ନଥିଲା ।
Sambad is now on WhatsApp
Join and get latest news updates delivered to you via WhatsApp
ଇଏ ଥିଲା ଓଡ଼ିଆ ଛବି ‘ହେ ପ୍ରଭୁ ଦେଖା ଦେ’ ର କଥାବସ୍ତୁର ଏକ ଅଂଶ ବିଶେଷ। ଗୋପୀ ଆନନ୍ଦ ନିର୍ଦେଶିତ ଏହି ଫିଲ୍ମରେ ଲୋକାଲ୍ ଡନ ଭୂମିକାରେ ନଜର ଆସିଥିଲେ ଜଣାଶୁଣା ହାସ୍ୟାଭିନେତା ପପୁ ପମପମ୍। ଆଉ ତାଙ୍କର ସହଯୋଗୀ ଚରିତ୍ରରେ ଥିଲେ ଆଉ ଜଣେ ଲୋକପ୍ରିୟ ହାସ୍ୟାଭିନେତା ସଲିଲ ମିତ୍ର।