ପୁଣି ଛୋଟ ପରଦାରେ ଓଲିଉଡର ହସକୁରୀ ନାୟିକା ପ୍ରିୟା
ଭୁବନେଶ୍ୱର: ଓଲିଉଡର ହସକୁରୀ ଓ ଚୁଲୁବୁଲି ନାୟିକା ପ୍ରିୟା ପୁଣି ଛୋଟ ପରଦାକୁ ଫେରିଛନ୍ତି। ହଁ ସେ ପୁଣି ଥରେ ଛୋଟ ପରଦାରେ ନଜର ଆସିଛନ୍ତି । ପ୍ରିୟା ଚୌଧୁରୀ ଅବଶ୍ୟ ବିବାହ ପରେ ଆଗରୁ ବି ସମୟ ସମୟରେ ଛୋଟ ପରଦାରେ ନଜର ଆସିଛନ୍ତି । ସଂପ୍ରତି ତାଙ୍କୁ ତରଙ୍ଗ ଚାନେଲରେ ପ୍ରସାରିତ ରିଅଲିଟି ସୋ’ ‘ମିଷ୍ଟର ହଜବ୍ୟାଣ୍ଡ’ରେ ଉପସ୍ଥାପିକାଭାବେ ଦେଖିବାକୁ ମିଳିଥିଲା। ଏହା ପୂର୍ବରୁ ପ୍ରିୟା
Sambad is now on WhatsApp
Join and get latest news updates delivered to you via WhatsApp
ସାର୍ଥକ ଟିଭିରେ ପ୍ରସାରିତ ‘ ଓଡ଼ିଶାର ବେଷ୍ଟ-ଡ୍ରାମେବାଜ୍’ରେ ଜଜ୍ଭାବେ ମଧ୍ୟ ଛୋଟ ପରଦାରେ ନଜର ଆସିଥିଲେ। ଏବେ ପୁଣି ଏହାର ସିଜିନ୍-୨ରେ ବି ଜଜ୍ ଭାବେ କାମ କରୁଛନ୍ତି । ଜୀ ସାର୍ଥକ ଟିଭିରେ ପ୍ରସାରିତ ଏହି ରିଆଲିଟି ସୋ’ରେ ଶ୍ରୀତମ୍ ଦାସ ଏବଂ ଅଭିନେତା- ନିର୍ଦ୍ଦେଶକ ଦେବୁ ପଟ୍ଟନାୟକଙ୍କୁ ବି ଏହି ସୋ’ରେ ଜଜ୍ ଭାବେ ନଜର ଆସୁଛନ୍ତି।ବଡ଼ ପରଦାରେ ବେଶ୍ ଲୋକପ୍ରିୟତା ହାସଲ କରିଥିଲେ ଓଲିଉଡ ନାୟିକା ପ୍ରିୟା ।
ଏଠାରେ ସୂଚନାଯୋଗ୍ୟ ଯେ ପ୍ରିୟା ୨୦୦୮ରେ ମୁକ୍ତିଲାଭ କରିଥିବା ଫିଲ୍ମ ‘ ଡ୍ରିମ୍ଗାର୍ଲ’ରେ ପ୍ରଥମେ ଅଭିନୟ କରି ବଡ଼ ପରଦାକୁ ଆସିଥିଲେ । ଏହାର ନିର୍ଦ୍ଦେଶନା ଦେଇଥିଲେ ଅଶୋକ ପତି। ଏହାପରେ ପ୍ରିୟାଙ୍କୁ ଅଭିମନ୍ୟୁ, ବାଇଶି ପାହାଚେ ଖେଳିବ ମୀନ, ଆଲୋ ମୋର କଣ୍ଢେଇ, ମେଘ ସବାରୀରେ ଆସିବ ଫେରି, ଦିଲ୍ ତତେ ଦେଇଛି, ହିରୋ- ଏକ ପ୍ରେମ କଥା, ଚାନ୍ଦିନୀ ଆଇ ମିସ୍ ୟୁ, ଦୋସ୍ତି , ଗୁଡ ବୟ, ପାରିବେନି କେହି ଅଲଗା କରି, ରୁମକୁ ଝୁମାନା ,ମିତ ବସିଛି ମୁଁ ଭୂତ ସାଥୀରେ ଓ ତୋ’ ବାଟ ଚାହିଁଛି ରାତି ସାରା ଆଦି ଓଡ଼ିଆ ଛବିରେ ଦେଖିବାକୁ ପାଇଛନ୍ତି ଦର୍ଶକ।