ଏହି ଚଳଚ୍ଚିତ୍ରରେ ଆସିବାକୁ ଚାହିଁଥିଲେ ପ୍ରିୟା ପ୍ରକାଶ, ହେଲେ ବାଜିମାତ୍‌ କଲେ ସାରା

0 715

ମୁମ୍ବାଇ: ମାଲାୟାଲାମ ଅଭିନେତ୍ରୀ ପ୍ରିୟା ପ୍ରକାଶ ଭ୍ୟାରିୟର୍‌ ରୋହିତ ସେଟ୍ଟୀଙ୍କ ଚଳଚ୍ଚିତ୍ର ‘ସିମ୍ବା’ରେ ଅଭିନେତା ରଣବୀର ସିଂହଙ୍କ ସହିତ ଅଭିନୟ କରିବାର ଇଚ୍ଛା ରଖିଥିଲେ ବୋଲି ସେ ନିକଟରେ ମୁହଁ ଖୋଲିଛନ୍ତି। ପ୍ରିୟା ମୁମ୍ବାଇଠାରେ ରବିବାର ତାଙ୍କର ଅପ୍‌କମିଂ ଚଳଚ୍ଚିତ୍ର ‘ଶ୍ରୀଦେବୀ ବଙ୍ଗ୍‌ଲୋ’ର ଟ୍ରେଲର୍‌ ରିଲିଜ୍‌ ସମୟରେ ଏପରି କହିଥିବା ସୂଚନା ରହିଛି।

ଏକ ଆଖି ମରା ଦୃଶ୍ୟରେ ରାତାରାତି ପ୍ରସିଦ୍ଧ ହୋଇଥିବା ଅଭିନେତ୍ରୀ ପ୍ରିୟା ଲୋକପ୍ରିୟତା ହାସଲ କରିବାର ପରେ ପରେ ହିଁ ତାଙ୍କୁ ଗୁଡ଼ାଏ ଚଳଚ୍ଚିତ୍ରର ଅଫର୍‌ ମିଳିଥିଲା। ସେ ‘ସିମ୍ବା’ରେ ରଣବୀର ସିଂହଙ୍କ ସହ ଦେଖିବାକୁ ମିଳିବେ ବୋଲି ମଧ୍ୟ ଶୁଣିବାକୁ ମିଳିଥିଲା। ମାତ୍ର ପରେ ଏହି ଚଳଚ୍ଚିତ୍ର ପାଇଁ ସାରା ଅଲ୍ଲୀ ଖାନ ମନସ୍ତ ହୋଇଥିଲେ। ଚଳଚ୍ଚିତ୍ରଟି ଏବେ ବକ୍ସ ଅଫିସ୍‌ ରେକର୍ଡ ଭଙ୍ଗ କରି ଚାଲିଛି।

ଏ ସଂପର୍କରେ ପ୍ରିୟା କହିଛନ୍ତି କି ‘ଅବଶ୍ୟ ବହୁ ଗୁଜବ ଉଠିଥିଲା ଯେ ମୁଁ ‘ସିମ୍ବା’ରେ ଦେଖିବାକୁ ମିଳିବି। କାସ୍‌ ତାହା ସତ ହୋଇ ପାରିଥାନ୍ତା! କାହିଁକି ନା, ମୁଁ ରଣବୀର ସିଂହଙ୍କ ବଡ଼ ପ୍ରଶଂସକ। ମୋତେ ତାଙ୍କ ସହ କାମ କରିବାର ଆଗ୍ରହ ଅଛି।’

ସମ୍ବନ୍ଧିତ ଖବର

Leave A Reply

Your email address will not be published.