ହଲିଉଡ୍ରେ ପାଦ ରଖିବାକୁ ଯାଉଛନ୍ତି ରାଧିକା ଆପ୍ତେ, ଓସ୍କାର ନୋମିନେଟେଡ୍ ନିର୍ଦ୍ଦେଶକଙ୍କ ଫିଲ୍ମରେ ଆସିବେ ନଜର
ମୁମ୍ବାଇ : ଅନ୍ଧାଧୁନ ଏବଂ ପ୍ୟାଡ୍ମ୍ୟାନ୍ ଭଳି ବଲିଉଡ୍ ଫିଲ୍ମରେ କାମ କରି ସାରିଥିବା ଅଭିନେତ୍ରୀ ରାଧିକା ଆପ୍ତେ ଏବେ ଖୁବ୍ ଶୀଘ୍ର ହଲିଉଡ୍ରେ ପାଦ ରଖିବାକୁ ଯାଉଛନ୍ତି । ଦ୍ୱିତୀୟ ବିଶ୍ୱଯୁଦ୍ଧ ଉପରେ ଆଧାରିତ ଫିଲ୍ମ ଲିବରେଟ୍ : ଏ କଲ ଟୁ ସ୍ପାଏରେ ନଜର ଆସିବେ ରାଧିକା । ଏହି ଫିଲ୍ମରେ ରାଧିକା ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଥିବା ସ୍ପାଏ ନୋରା ଇନାୟତ ଖାନ୍ଙ୍କ ଭୂମିକାରେ ନଜର ଆସିବେ । ଫିଲ୍ମରେ ନୋରା ଇନାୟତ ଖାନ୍ଙ୍କ ନାଁକୁ ବଦଳା ଯାଇ ନୋରା ବେକର କରଯାଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଇନ୍ଷ୍ଟାରେ ନୋରା ବେକରଙ୍କ ଫଟୋ ସହ ନିଜର ଫଟୋ ସେୟାର କରି ଏତେ ବଡ଼ ଖବର ଦର୍ଶକଙ୍କୁ ଦେଇଛନ୍ତି ରାଧିକା । ଫଟୋରେ ରାଧିକା ଦ୍ୱିତୀୟ ବିଶ୍ୱଯୁଦ୍ଧ ସମୟରେ ପ୍ରଚଳିତ ଥିବା ପୋଷାକ ପରିଧାନ କରିଥିବା ଦେଖା ଯାଇଛି । ଇନ୍ଷ୍ଟାରେ ସେ ଆଉ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ଫିଲ୍ମର ପୂରା କାଷ୍ଟ ଏବଂ କ୍ର୍ୟୁ ମେମ୍ବରଙ୍କ ସହ ନଜର ଆସୁଛନ୍ତି । ଏହି ଫିଲ୍ମ ପରେ ତାଙ୍କୁ ନୂଆ ପରିଚୟ ମିଳିବ ବୋଲି ଆଶା ରଖିଛନ୍ତି ରାଧିକା ।