ତନୁଶ୍ରୀଙ୍କ ଉପରେ ୨୫ ପଇସାର ମାନହାନି ମକଦ୍ଦମା କଲେ ରାକ୍ଷୀ,୨୫ପଇସା ପଛର କାରଣ ପଚାରିବା ପରେ ଦେଲେ ଏଭଳି ଉତ୍ତର
ମୁମ୍ବାଇ : କିଛି ଦିନ ତଳେ ଅଭିନେତ୍ରୀ ରାକ୍ଷୀ ସାଓ୍ଵନ୍ତଙ୍କ ଉପରେ ୧୦କୋଟି ଟଙ୍କାର ମାନହାନି ମକଦ୍ଦମା କରିଥିଲେ ତନୁଶ୍ରୀ ଦତ୍ତା । ବିଭିନ୍ନ ସାକ୍ଷାତକାରରେ ରାକ୍ଷୀ ତନୁଶ୍ରୀଙ୍କୁ ନେଇ ବିବାଦୀୟ ବୟାନ ଦେଇଥିବାରୁ ତନୁଶ୍ରୀ ରାକ୍ଷୀଙ୍କ ବିରୋଧରେ ମକଦ୍ଦମା କରିଥିଲେ । ଏବେ ରାକ୍ଷୀ ତନୁଶ୍ରୀଙ୍କ ବାଟ ଆପଣାଇ ତାଙ୍କ ଉପରେ ୨୫ପଇସାର ମାନହାନି ମକଦ୍ଦମା କରିଛନ୍ତି । କିନ୍ତୁ ରାକ୍ଷୀଙ୍କର ଏପରି ୨୫ପଇସାର ମାନହାନି ମକଦ୍ଦମା କରିବା ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏହା ପଛର କାରଣ ପଚରାଯିବା ପରେ, ମୁଁ ଯାହା ବି ମାନହାନି ରାଶି ରଖିଥାନ୍ତି ସେ ସବୁକୁ ତନୁଶ୍ରୀଙ୍କ ମାତା-ପିତାଙ୍କୁ ଦେବାକୁ ପଡ଼ିଥାନ୍ତା, ଯାହା କି ମୁଁ ଚାହୁଁ ନାହିଁ । ଏ ବୟସରେ ମୁଁ ତାଙ୍କୁ ବୋଝ ଦେବାକୁ ଚାହୁଁନଥିବାରୁ ୨୫ପଇସାର ମାନହାନି ମକଦ୍ଦମା କରିଛି ବୋଲି ରାକ୍ଷୀ ଉତ୍ତର ରଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତନୁଶ୍ରୀ ଅଭିନେତା ନାନା ପାଟେକରଙ୍କ ଉପରେ ଯୌନ ଶୋଷଣର ଆରୋପ ଲଗାଇବା ପରେ ଦୁହିଁଙ୍କ ମଧ୍ୟରେ ଝଗଡ଼ା ଆରମ୍ଭ ହୋଇଥିଲା, ଯାହା ଏବେ ଅତି ନିମ୍ନ ସ୍ତରରେ ପହଞ୍ଚିଛି । ଦୁହେଁ ଦୁହିଁଙ୍କ ବିଷୟରେ ଅନେକ ବଡ଼ ବଡ଼ ରାଜ ଖୁଲାସା କରିବାରେ ଲାଗିଛନ୍ତି । ରାକ୍ଷୀ ତନୁଶ୍ରୀଙ୍କୁ ସମଲିଙ୍ଗୀ କହିବା ସହ ସେ ତାଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ଆଣିଥିଲେ । ଏହା ପରେ ତନୁଶ୍ରୀ ରାକ୍ଷୀ ସବୁବେଳେ ଶାରୀରିକ ସଂପର୍କ ରଖିବା ପାଇଁ ଭୋକିଲା ବୋଲି କହିଥିଲେ । ତେବେ ଦୁହିଁଙ୍କ ମଧ୍ୟ ଚାଲିଥିବା ଏହି ଝଗଡ଼ା କେଉଁଠି ଶେଷ ହେଉଛି,ତାହା ଦେଖିବାକୁ ବାକି ରହିଲା ।