ଚନ୍ଦ୍ରବାବୁ ନାଇଡୁଙ୍କ ନକଲି ଫଟୋ ସୋସିଆଲ ମିଡିଆରେ ପୋଷ୍ଟ କରିବାରୁ ରାମ୍ ଗୋପାଲ ବର୍ମାଙ୍କ ବିରୋଧରେ ଏତଲା
ନୂଆଦିଲ୍ଲୀ : ନିଜ ସୋସିଆଲ ମିଡିଆ ଆକାଉଣ୍ଟରେ ତେଲୁଗୁ ଦେଶମ ପାର୍ଟି(ଟିଡିପି)ର ମୁଖ୍ୟ ଏନ୍ ଚନ୍ଦ୍ରବାବୁ ନାଇଡୁଙ୍କ ନକଲି ଫଟୋ ପୋଷ୍ଟ କରି ଅଡ଼ୁଆରେ ପଡ଼ିଛନ୍ତି ନିର୍ଦ୍ଦେଶକ ରାମ ଗୋପାଳ ବର୍ମା । ନିଜ ଫେସବୁକ୍ ଆକଉଣ୍ଟରେ ରାମ ଗୋପାଳ ଏଭଳି ବିବାଦୀୟ ଫଟୋ ପୋଷ୍ଟ କରିବା ପରେ ଟିଡିପି କାର୍ଯ୍ୟକର୍ତ୍ତା ଦେବୀବାବୁ ଚୌଧୁରୀ ତଡେପଲ୍ଲୀ ଗୁଡେମ୍ ପୁଲିସ ଷ୍ଟେସନରେ ଅଭିଯୋଗ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ରାମ ଗୋପାଳ ବର୍ମା ଟିଡିପି ମୁଖ୍ୟ ଏନ୍ ଚନ୍ଦ୍ରବାବୁ ନାଇଡୁଙ୍କ ନକଲି ଫଟୋ ପୋଷ୍ଟ କରି ସେ ଓ୍ଵାଇଏସ୍ଆର୍ କଂଗ୍ରେସ ପାର୍ଟିରେ ଯୋଗ ଦେଇଥିବା ନେଇ ଦର୍ଶାଇବାକୁ ଚେଷ୍ଟା କରିଛନ୍ତି । ଯାହା ବିବାଦୀୟ ଏବଂ ଉତ୍ତେଜକ । ଯାହା ପାଇଁ ମୁଁ ପୁଲିସରେ ଅଭିଯୋଗ କରିବା ପରେ ପୁଲିସ ଏ ନେଇ ତଦନ୍ତ କରିବ ବୋଲି ପ୍ରତିଶ୍ରୁତି ଦେଇଛି । ଯେ ପର୍ଯ୍ୟନ୍ତ ସମସ୍ତଙ୍କ ଆଗରେ ବର୍ମା ଚନ୍ଦ୍ରବାବୁ ନାଇଡୁଙ୍କୁ କ୍ଷମା ନ ମାଗନ୍ତି, ସେ ପର୍ଯ୍ୟନ୍ତ ତାଙ୍କୁ ନେଇ ବିରୋଧ ପ୍ରଦର୍ଶନ ଜାରି ରହିବ ।