ଭଲ୍ଲାଲଦେବଙ୍କୁ ଆପଣ ଚିହ୍ନି ପାରିବେନି ଏହି ନୂଆ ଲୁକରେ
ମୁମ୍ବାଇ: ବ୍ଲକବଷ୍ଟର ମୁଭି ‘ବାହୁବଲୀ’ରେ ଭଲ୍ଲାଲଦେବ ଭୂମିକା ନିଭାଇ ଚର୍ଚ୍ଚାକୁ ଆସିଥିବା ଅଭିନେତା ରାଣା ଦଗ୍ଗୁବତୀଙ୍କ ନୂଆ ସିନେମାର ଫାଷ୍ଟ ଲୁକ୍ ଜାରି ହୋଇଛି। ତାଙ୍କୁ ଆପଣ ଚିହ୍ନି ପାରିବେନି ଏହି ନୂଆ ଲୁକରେ। ଏହି ସିନେମାର ଏକ ଫଟୋ ଭାଇରାଲ ହେବାରେ ଲାଗିଛି ଯେଉଁଥିରେ ସେ ଏକ ହାତୀ ସହିତ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଠାରେ ସୂଚନାଯୋଗ୍ୟ ଯେ ଏଠାରେ ଯେଉଁ ସିନେମାର କଥା କୁହାଯାଉଛି ତାହାର ଟାଇଟଲ ହେଲା ‘ହାଥୀ ମେରା ସାଥୀ’। ଏହା ୧୯୭୧ରେ ରିଲିଜ୍ ହୋଇଥିବା ବ୍ଲକବଷ୍ଟର ସିନେମା ‘ହାଥୀ ମେରା ସାଥୀ’ର ରିମେକ୍। ଏଥିରେ ବିଗତ ଦିନର ସୁପରଷ୍ଟାର୍ ରାଜେଶ ଖାନ୍ନା ଏବଂ ତନୁଜା ଲିଡ ରୋଲରେ ଥିଲେ। ରାଣା ଦଗ୍ଗୁବତୀଙ୍କ ନୂଆ ସିନେମା‘ହାଥୀ ମେରା ସାଥୀ’ର ସୁଟିଂ ଥାଇଲାଣ୍ଡରେ କରାଯାଉଛି। ଏହା ଚଳିତ ବର୍ଷ ଦୀପାବଳି ଅବସରରେ ମୁକ୍ତିଲାଭ କରିବ ବୋଲି ଜଣାଯାଇଛି। ଏହା ଏକ ସତ୍ୟ ଘଟଣା ଉପରେ ଆଧାରିତ ବୋଲି ମଧ୍ୟ କୁହାଯାଉଛି। ଏହି ସିନେମା ହିନ୍ଦୀ,ତେଲୁଗୁ ଏବଂ ତାମିଲ ଭାଷାରେ ନିର୍ମିତ ହେଉଛି।
ଏଠାରେ ସୂଚନାଯୋଗ୍ୟ ଯେ ରାଣା ଦଗ୍ଗୁବତୀ ‘ଦମ୍ ମାରୋ ଦମ୍’, ‘ବେବି’ ଏବଂ ‘ଡିପାର୍ଟମେଣ୍ଟ’ ଆଦି ହିନ୍ଦୀ ସିନେମାରେ ନଜର ଆସିଛନ୍ତି।