ନିର୍ବନ୍ଧ ପରେ ପ୍ରିୟଙ୍କାଙ୍କୁ ଖୁସିରେ ରଖିବା ପାଇଁ ନିକ୍ଙ୍କୁ ଚେତାବନୀ ଦେଲେ ପରିଣୀତି ଚୋପ୍ରା
ମୁମ୍ବାଇ: ଶନିବାର ମୁମ୍ବାଇ ସ୍ଥିତ ପ୍ରିୟଙ୍କାଙ୍କ ଘରେ ଭାରତୀୟ ରୀତିନୀତି ଅନୁଯାୟୀ ପ୍ରିୟଙ୍କା ଏବଂ ନିକ୍ଙ୍କ ନିର୍ବନ୍ଧ ସଂପନ୍ନ ହୋଇଥିଲା । ପ୍ରିୟଙ୍କାଙ୍କ ଖୁସିରେ ସାମିଲ ହୋଇଥିଲେ ତାଙ୍କର ଅନେକ ସଂପର୍କୀୟ । ପ୍ରଥମ ଅତିଥି ଥିଲେ ପ୍ରିୟଙ୍କାଙ୍କ ଭଉଣୀ ତଥା ବଲିଉଡ୍ ଅଭିନେତ୍ରୀ ପରୀଣିତି ଚୋପ୍ରା । ନିର୍ବନ୍ଧ ପରେ ପରୀଣିତି ପ୍ରିୟଙ୍କାଙ୍କ ସହ ଫଟୋ ପୋଷ୍ଟ କରି ଦିଦି ତୁମକୁ ନିକ୍ଙ୍କଠାରୁ ଭଲ ବର ମିଳି ପାରି ନଥାନ୍ତା ବୋଲି ଲେଖିିଥିଲେ ।
Sambad is now on WhatsApp
Join and get latest news updates delivered to you via WhatsApp
“ଯେତେବେଳେ ଆମେ ଛୋଟ ଥିଲୁ ମୁଁ ଏବଂ ମିମି ଦିଦି(ପ୍ରିୟଙ୍କା ଚୋପ୍ରା) ଘର ଘର ଖେଳ ଖେଳୁଥିଲୁ । ଆମେ ବୋହୁ ହେବା ସହ ଆମ ସ୍ୱାମୀମାନଙ୍କୁ ଚା’ ପିଇବାକୁ ଦେଉଥିଲୁ । ଏହା ଆପଣଙ୍କୂୁ ଅଜୀବ ଲାଗୁଥିବ । କିନ୍ତୁ ଆମ ମାନଙ୍କୁ ଭଲ ପାଇବାର ଯାଦୁ ଉପରେ ଭରସା ଥିଲା ଏବଂ ଦିନେ ନା ଦିନେ ଆମକୁ ମିଷ୍ଟର ପର୍ଫେକ୍ଟ ମିଳିବ ବୋଲି ଆମେ ଜାଣିଥିଲୁ । ଆଜି ମିମି ଦିଦିଙ୍କୁ ତାଙ୍କ ମିଷ୍ଟର ପର୍ଫେକ୍ଟ ମିଳି ଯାଇଛି । ଜଣଙ୍କୁ ଜାଣିବା ପରେ ତାଙ୍କ ସହ ଖାଇବା ଏବଂ ଦୂର ଯାତ୍ରା କରିବା ଦରକାର । ନିକ୍ ମୁଁ ତୁମ ସହ ଏ ଦୁଇଟି ଜିନିଷ କରିଛି । ସେଥିପାଇଁ କହୁଛି ତୁମଠାରୁ ଅଧିକ ଭଲ ଜୀବନ ସାଥୀ ଦିଦିଙ୍କୁ ମିଳି ପାରି ନଥାନ୍ତା । ସେ ତୁମକୁ ବହୁତ ଭଲ ପାଆନ୍ତି । ତାଙ୍କର ଯତ୍ନ ନେବ । ନିର୍ବନ୍ଧର ଶୁଭେଚ୍ଛା ବୋଲି” ଲେଖି ପୋଷ୍ଟ କରିଥିଲେ ପରୀଣିତି ।