ବିଗ୍‌ ବିଙ୍କ ପରେ ଆଇସିସି ବିଶ୍ୱକପକୁ ନେଇ ଏଭଳି ଫଟୋ ଟୁଇଟ୍‌ କଲେ ଋଷି କପୁର

0

ମୁମ୍ବାଇ : ଏବେ ଆାଇସିସି ବିଶ୍ୱକପ ଉପରେ ସାରା ବିଶ୍ୱର ନଜର ରହିଛି । କିନ୍ତୁ ବର୍ଷା ହେତୁ ଏହାର ଅନେକ ମ୍ୟାଚ୍‌କୁ ରଦ୍ଦ କରି ଦିଆଯାଉଛି । ବାରମ୍ବାର ମ୍ୟାଚ୍‌ ରଦ୍ଦ ହେଉଥିବା ଦେଖି କ୍ରିକେଟ ପ୍ରେମୀ ନିରାଶ ହେଉଛନ୍ତି । ଏହା ସହ ଆଇସିସି ବିଶ୍ୱକପକୁ ଇଂଲଣ୍ଡରେ କରାଯିବାକୁ ନେଇ ଅନେକ ବିରୋଧ ପ୍ରଦର୍ଶନ କରିବା ଆରମ୍ଭ କରିଛନ୍ତି । ଏହି ସମସ୍ୟାକୁ ନେଇ ଗତକାଲି ବିଗ୍‌ ବି ଏକ ଟୁଇଟ୍‌ କରିଥିବା ବେଳେ ତାଙ୍କ ପରେ ଅଭିନେତା ଋଷି କପୁର ଟୁଇଟ୍‌ କରି ଆଇସିସି ବିଶ୍ୱକପକୁ ଥଟ୍ଟା କରିଛନ୍ତି । ଏକ ଛତାର ଫଟୋ ଟୁଇଟ୍‌ କରି ନୂଆ ଆଇସିସି ବିଶ୍ୱକପ ଡିଜାଇନ ବୋଲି ଲେଖିଛନ୍ତି ଋଷି । ତାଙ୍କର ଏଭଳି ଟୁଇଟ୍‌ ପରେ ଲୋକେ ମଧ୍ୟ ତାଙ୍କୁ ସମର୍ଥନ କରିଥିବା ଦେଖା ଯାଇଛି ।

ସୂଚନା ମୁତାବକ, ସ୍ୱାସ୍ଥ୍ୟଗତ ସମସ୍ୟାକୁ ନେଇ ନ୍ୟୁୟର୍କରେ ଋଷି କପୁର ଚିକିତ୍ସିତ ହେଉଥିବା ବେଳେ ଭାରତରେ ଘଟୁଥିବା ପ୍ରତ୍ୟେକ ଖବର ଉପରେ ତାଙ୍କର ନଜର ରହିଥାଏ । ଟୁଇଟ୍‌ କରି ସେ ଭାରତ ପାଇଁ ଚିନ୍ତା ଜାହିର କରିବା ସହ ସରକାରଙ୍କୁ ସମାଧାନ କରିବାକୁ ପରାମର୍ଶ ଦେଇଥାନ୍ତି ।

ସମ୍ବନ୍ଧିତ ଖବର

Leave A Reply

Your email address will not be published.