‘ଧଡ଼କ’ କରିବା ପୂର୍ବରୁ ଇଶାନ୍ଙ୍କୁ ଏହି ଉପଦେଶ ଦେଇଥିଲେ ଶାହିଦ୍ କପୁର
ମୁମ୍ବାଇ : ବଲିଉଡ୍ରେ ନୂଆ ନୂଆ ମୁହଁ ଦେଖିବାକୁ ମିଳିଥିବା ବେଳେ ଅନେକ ବଲିଉଡ୍ କଳାକାରଙ୍କ ଭାଇ ବା ଭଉଣୀ ବା ସେମାନଙ୍କ ପିଲାମାନେ ବଲିଉଡ୍ରେ ପ୍ରବେଶ କରିବା ଆରମ୍ଭ କରଛନ୍ତି । ସେଥି ମଧ୍ୟରୁ କିଛି ଦିନ ହେବ ଚର୍ଚ୍ଚାରେ ଅଛନ୍ତି ଅଭିନେତା ଇଶାନ ଖଟ୍ଟର । ଇଶାନ ବଲିଉଡ୍ ଅଭିନେତା ଶାହିଦ୍ କପୁରଙ୍କ ସାବତ ଭାଇ ହୋଇଥିଲେ ମଧ୍ୟ ଦୁଇ ଜଣଙ୍କ ମଧ୍ୟରେ ସେଭଳି ପାର୍ଥକ୍ୟ କେବେ ବି ଦେଖା ଯାଇ ନାହିଁ । ବରଂ ଦୁଇ ଜଣଙ୍କ ମଧ୍ୟରେ କେତେ ଭଲପାଇବା ରହିଛି ଏବଂ ଶାହିଦ୍ ନିଜ ଭାଇ ଇଶାନଙ୍କୁ ନେଇ କେତେ ଯତ୍ନବାନ ତାହା ଦେଖିବାକୁ ମିଳିଥାଏ ।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ଫିଲ୍ମ ‘ଧଡ଼କ’ର ପ୍ରମୋସନ ସମୟରେ ଇଶାନ ତାଙ୍କ ଭାଇ ଶାହିଦ୍ଙ୍କୁ ନେଇ ଅନେକ କଥା କହିଥିଲେ । ‘ଧଡ଼କ’ ସାଇନ୍ କରିବା ପୂର୍ବରୁ ଇଶାନଙ୍କୁ ଶାହିଦ୍ କିଛି ଗୁରୁତ୍ୱପୂର୍ଣ୍ଣ କଥା କହିଥିଲେ, ଯାହା ବିଷୟରେ ଇଶାନ୍ ଫିଲ୍ମର ପ୍ରମୋସନ ସମୟରେ ସମସ୍ତଙ୍କୁ ଜଣାଇଥିଲେ । ‘ସୈରାତ୍’ ଦେଖିବା ପରେ ସେ ମୋତେ ସେ ଫିଲ୍ମ ତାଙ୍କୁ ପସନ୍ଦ ଆସିଲା ବୋଲି କହିଥିଲେ । ‘ସୈରାତ୍’ ଏକ ବହୁତ ଭଲ ଫିଲ୍ମ ଏବଂ ତୁମେ ଯେଉଁ ବୟସରେ ଏବେ ଅଛ ସେ ବୟସଟି ଫିଲ୍ମର ଚରିତ୍ର ପାଇଁ ପୂରା ଠିକ୍ । ସବୁଠାରୁ ବଡ଼ କଥା ହେଲା ତୁମେ ଭଲ ନିର୍ଦ୍ଦେଶକ ଶଶାଙ୍କ ଖୈତାନ୍ ଏବଂ ପ୍ରଯୋଜକ କରଣ ଜୋହରଙ୍କ ସହ କାମ କରୁଛ । ଫିଲ୍ମ ଆରମ୍ଭ କରିବା ପୂର୍ବରୁ ଭାଷାକୁ ଭଲ ଭାବରେ ବୁଝିବା ଶିଖ ବୋଲି ଶାହିଦ୍ ଇଶାନ୍ଙ୍କୁ କହିଥିଲେ ।