‘ସାହୋ’ର ଅର୍ଥ କ’ଣ? ରିଲିଜ୍ ପୂର୍ବରୁ ଜଣାଇଲେ ପ୍ରଭାସ
ମୁମ୍ବାଇ : ୨୦୧୯ର ସବୁଠାରୁ ବଡ଼ ବଜେଟର ଫିଲ୍ମ ହେବାକୁ ଯାଉଛି ‘ସାହୋ’ । ଫିଲ୍ମର ପ୍ରାୟ ୪ଟି ଗୀତ ରିଲିଜ୍ ହୋଇ ସାରିଥିବା ବେଳେ ଏହାର ଟ୍ରେଲର ଦର୍ଶକଙ୍କ ମଧ୍ୟରେ ଫିଲ୍ମକୁ ନେଇ ଉତ୍ସାହ ବଢ଼ାଇଛି । ‘ବାହୁବଳୀ’ ପରେ ଏବେ ‘ସାହୋ’ ଜରିଆରେ ବକ୍ସ ଅଫିସରେ ଧମାଲ କରିବାକୁ ଯାଉଛନ୍ତି ପ୍ରଭାସ । ଫିଲ୍ମକୁ ଶେଷ କରିବା ପାଇଁ ୫ବର୍ଷ ସମୟ ଲାଗିଥିବା ବେଳେ ଏହାକୁ ହିଟ୍ କରିବା ପାଇଁ ଅନେକ ଚେଷ୍ଟା କରିବାରେ ଲାଗି ପଡ଼ିଛନ୍ତି ଫିଲ୍ମ ନିର୍ମାତା । ଅଗଷ୍ଟ ୩୦ରେ ଫିଲ୍ମ ରିଲିଜ୍ ହେବାକୁ ଯାଉଥିବା ବେଳେ ରିଲିଜ୍ ପୂର୍ବରୁ ଫିଲ୍ମର ଟାଇଟେଲ ‘ସାହୋ’ର ଅର୍ଥ କ’ଣ ତାହା ଜଣାଇଛନ୍ତି ପ୍ରଭାସ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କପିଲ ଶର୍ମାଙ୍କ ସୋ’କୁ ଫିଲ୍ମର ପ୍ରମୋସନ ପାଇଁ ଆସିଥିବା ବେଳେ କପିଲ ତାଙ୍କୁ ସାହୋର ମାନେ କ’ଣ ତାହା ପଚାରିଥିଲେ । ଯାହାର ଉତ୍ତର ରଖି, ସାହୋର ଅର୍ଥ ସଂସ୍କୃତରେ ‘ଜୟ ହୋ’ ବୋଲି କହିଥିଲେ ପ୍ରଭାସ । ଫିଲ୍ମଟି ଅଗଷ୍ଟ ୩୦ରେ ରିଲିଜ୍ ହେବାକୁ ଥିବା ବେଳେ ଭଲ ବ୍ୟବସାୟ କରିବ ବୋଲି ଆଶା କରାଯାଉଛି ।