“ତୁରନ୍ତ ଗାଡ଼ିର କାଚକୁ ଉପରକୁ କର, ନହେଲେ ମୁଁ ଦେବି ଏବେ ଗୋଟେ” ସାମ୍ବାଦିକଙ୍କ ପ୍ରଶ୍ନରୁ ବଞ୍ଚିବା ପାଇଁ ଡ଼୍ରାଇଭରକୁ ଗାଳି କଲେ ସୈଫ୍ ଅଲ୍ଲୀ ଖାନ୍
ମୁମ୍ବାଇ :୧୯୯୮ ମସିହା କୃଷ୍ଣସାର ମୃଗ ଶିକାର ମାମଲାରେ ଅଭିନେତା ସଲମାନ ଖାନ୍ଙ୍କୁ ଯୋଧପୁର କୋର୍ଟ ଆଜି ସାବ୍ୟସ୍ତ କରିଛନ୍ତି । ଏହି ଶୁଣାଣି ବେଳେ ହମ୍ ସାଥ୍ ସାଥ୍ ହେଁର ଅନେକ କଳାକାରଙ୍କୁ ସେଠାରେ ଦେଖିବାକୁ ମିଳିଥିଲା । ସମସ୍ତ କଳାକାରମାନଙ୍କୁ ସେଠାରେ ଉପସ୍ଥିତ ଥିବା ସାମ୍ବାଦିକ ମାନଙ୍କର ପ୍ରଶ୍ନର ସାମ୍ନା ମଧ୍ୟ କରିବାକୁ ପଡ଼ିଥିଲା । କିନ୍ତୁ ଶୁଣାଣି ପାଇଁ ଯାଇଥିବା ସୈଫ୍ ଅଲ୍ଲୀ ଖାନ୍ ଉପସ୍ଥିତ ଥିବା ସାମ୍ବାଦିକମାନଙ୍କ ନଜରରେ ନ ଆସିବା ପାଇଁ ଚେଷ୍ଟା କରୁଥିବାର ଦେଖିବାକୁ ମିଳିଛି । ଏଥି ସହ ରାଗରେ ସେ ତାଙ୍କ ଡ଼୍ରାଇଭରକୁ ମଧ୍ୟ ଗାଳି ଦେଉଥିବାର ଦେଖିବାକୁ ମିଳିଛି । ଏଏନ୍ଆଇର କ୍ୟାମେରାରେ ଏହି ଦୃଶ୍ୟକଏଦ ହୋଇଥିବା ବେଳେ ଟ୍ଵିଟରରେ ଏହାକୁ ଅପ୍ଲୋଡ଼ ମଧ୍ୟ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
#WATCH: Actor Saif Ali Khan outside Jodhpur Airport says ‘sheehsa upar karo aur reverse kar lo warna padegi ek’ to his driver when he was being asked questions by reporters. Jodhpur Court will deliver verdict in blackbuck poaching case tomorrow. pic.twitter.com/n6AYIcHgY8
— ANI (@ANI) April 4, 2018
ଭିଡ଼ିଓରେ ସୈଫ୍ ନିଜ ଡ଼୍ରାଇଭରଙ୍କୁ ଗାଡ଼ିର କାଚ ଉଠାଇବା ପାଇଁ କହୁଥିବାରୁ ଦେଖିବାକୁ ମିଳିଛି । “ତୁରନ୍ତ ଗାଡ଼ିର କାଚକୁ ଉପରକୁ କରିବା ସହ ଗାଡ଼ିକୁ ଶୀଘ୍ର ପଛକୁ ନିଅ । ନହେଲେ ମୁଁ ଦେବି ଏବେ ଗୋଟେ” କହି ସେ ନିଜ ଡ଼୍ରାଇଭରଙ୍କୁ ଧମକାଉଥିବାର ଦେଖିବାକୁ ମିଳିଛି । ଏହି ଭିଡ଼ିଓକୁ ସୋସିଆଲ ମିଡ଼ିଆରେ ସମାଲୋଚନା କରାଯାଉଥିବା ବେଳେ ସୈଫ୍ଙ୍କ ଅସଲ ଚେହେରା ସାମ୍ନାକୁ ଆସିଛି ବୋଲି କିଛି କହିବା ଆରମ୍ଭ କାରିଛନ୍ତି । ଅନ୍ୟ ପକ୍ଷରେ କୋର୍ଟରେ ସୈଫ୍୍ଙ୍କ ବ୍ୟତିତ ସୋନାଲି ବେନ୍ଦ୍ରେ, ଏବଂ ତବୁ ମଧ୍ୟ ଉପସ୍ଥିତ ଥିଲେ ବୋଲି ଜଣା ପଡ଼ିଛି ।