ହୃଦ୍ଘାତର ଶିକାର ହୋଇ ଚିକିତ୍ସିତ ହେଉଥିବା ସହକଳାକାରଙ୍କ ମେଡିକାଲ ବିଲ୍ ଭରିଲେ ସଲମାନ
ମୁମ୍ବାଇ : ଅଭିନୟ ସହ ନିଜର ଦୟାଳୁ ହୃଦୟ ପାଇଁ ଅନେକ ସମୟରେ ଲୋକଙ୍କ ପ୍ରଶଂସାର ପାତ୍ର ହୋଇଥାନ୍ତି ଅଭିନେତା ସଲମାନ ଖାନ୍ । ଏବେ ପୁଣି ସେ ନିଜର ଜଣେ ସହ କଳାକାରଙ୍କୁ ସାହାଯ୍ୟ କରି ଚର୍ଚ୍ଚାକୁ ଆସିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ‘ଦବଙ୍ଗ’ରେ ପିଚ୍କାରୀ ଯାଦବ ଚରିତ୍ରରେ ନଜର ଆସିଥିବା ଅଭିନେତା ଦଧି ପାଣ୍ଡେଙ୍କର ହଠାତ୍ ଛାତିରେ ଯନ୍ତ୍ରଣା ହେବାରୁ ତାଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଆଇସିୟୁରେ ରଖିଥିଲେ ଡାକ୍ତର । ଏ ନେଇ ସଲମାନଙ୍କୁ ସୂଚନା ମିଳିବା ପରେ ସେ ଡାକ୍ତରଖାନାରେ ପହଞ୍ଚି ଦଧି ପାଣ୍ଡେଙ୍କର ସମସ୍ତ ମେଡିକାଲ ବିଲ୍ ଭରିଥିଲେ । ଏ ନେଇ ଦଧିଙ୍କୁ ପଚରାଯିବା ପରେ, ସଲମାନଙ୍କ ବିଷୟରେ ଯେତେ କହିଲେ ବି କମ ହେବ । ତାଙ୍କ ଭଳି ଦୟାଳୁ ମଣିଷ ମୁଁ ଦେଖିନାହିଁ । ସେ ସମସ୍ତଙ୍କ ଅସୁବିଧାରେ ଠିଆ ହେବା ପାଇଁ ପଛାନ୍ତି ନାହିଁ ।