ସୋନମଙ୍କ ବିବାହ ଭୋଜିରେ ଅର୍ଜୁନ କପୁରଙ୍କୁ ଦେଖି ମୁହଁ ମୋଡ଼ି ଚାଲିଗଲେ ସଲମାନ ! କାରଣ ମଲ୍ଲାଇକାଙ୍କ ସହ ସଂପର୍କ ନୁହେଁ ତ
ମୁମ୍ବାଇ : ଏହି କିଛି ଦିନ ହେବ ନିଜ ବିବାହ ପାଇଁ ସୋସିଆଲ ମିଡ଼ିଆ ଏବଂ ସବୁ ନିଉଜ୍ ଚ୍ୟାନେଲମାନଙ୍କରେ ଛାଇ ରହିଛନ୍ତି ସୋନମ କପୁର । ଗତକାଲି ମୁମ୍ବାଇରେ ସେ ଦିଲ୍ଲୀର ବ୍ୟବସାୟୀ ଆନନ୍ଦ ଆହୁଜାଙ୍କୁ ବିବାହ କରିଥିବା ବେଳେ ରାତିରେ ବିବାହର ଭୋଜି ରଖା ଯାଇଥିଲା । ଏହି ଗ୍ରାଣ୍ଡ ରିସେପ୍ସନ ପାର୍ଟିରେ ନଜର ଆସିଥିଲେ ଅନେକ ବଡ଼ ବଡ଼ ବଲିଉଡ଼ କଳାକାର । ସେହି ସମୟରେ ସାମ୍ନାସାମ୍ନି ହୋଇଥିଲେ ଟାଇଗର ଖାନ୍ ସଲମାନ ଏବଂ ଅର୍ଜୁନ କପୁର । ଦୁହେଁ ଦୁହିଁଙ୍କ ସାମ୍ନାରେ ଥାଇ ମଧ୍ୟ କେହି କାହା ସହ କଥା ହୋଇ ନ ଥିଲେ । ଏମିତି କି ସଲମାନ ଅର୍ଜୁନଙ୍କୁ ଦେଖି ନ ଦେଖିଲା ଭଳି ଚାଲି ଯାଇଥିଲେ ।
ଏବେ ବି ପୂର୍ବ କଥାକୁ ନେଇ ସଲମାନଙ୍କ ମନରେ ରାଗ ରହିଛି ବୋଲି ତାଙ୍କ ମୁହଁରୁ ସ୍ପଷ୍ଟ ବାରି ହୋଇ ପଡ଼ୁଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ସଲମାନଙ୍କ ଭାଇ ଅରବାଜ ଖାନ୍ ଏବଂ ତାଙ୍କ ସ୍ତ୍ରୀ ମଲ୍ଲାଇକା ଆରୋରା ଖାନ୍ଙ୍କ ମଧ୍ୟ ଝଗଡ଼ା ଆରମ୍ଭ ହୋଇଥିଲା । ଏମିତିକି ଦୁଇ ଜଣ ଦୁଇ ଜଣଙ୍କୁ ଛାଡ଼ପତ୍ର ମଧ୍ୟ ଦେଇଥିଲେ । ତେବେ ଏ ସବୁ ପଛରେ ଅର୍ଜୁନ କପୁର ଥିବା ଖବର ଆସିଥିଲା । ମଲ୍ଲାଇକା ଏବଂ ଅର୍ଜୁନଙ୍କ ମଧ୍ୟରେ ପ୍ରେମ ସଂପର୍କ ଥିବାରୁ ମଲ୍ଲାଇକା ଏପରି କରିଥିଲେ ବୋଲି ଚର୍ଚ୍ଚା ଆରମ୍ଭ ହୋଇଥିଲା । ଯେଉଁଥି ପାଇଁ ସଲମାନ ଅର୍ଜୁନଙ୍କ ଉପରେ ରାଗିଥିଲେ ବୋଲି ଖବର ଆସିଥିଲା । ଯାହା ଏବେ ବି ରହିଛି । ସୋନମଙ୍କ ବିବାହ ଭୋଜିରେ ସଲମାନ ସମସ୍ତଙ୍କ ସହ ମିଶିଥିବା ବେଳେ ଅର୍ଜୁନଙ୍କୁ ଦେଖି ମୁହଁ ମୋଡ଼ି ଚାଲି ଯାଇଥିବାର ଦେଖିବାକୁ ମିଳିଥିଲା ।