ଅର୍ବାଜ୍ଙ୍କ ଉପରକୁ ହାତ ଉଠାଇଲେ ସଲମାନ୍ ! ଦବଙ୍ଗ ଫ୍ରାଞ୍ଚାଇଜ୍ ଛାଡ଼ିବା ନେଇ ଚର୍ଚ୍ଚା
ମୁମ୍ବାଇ : ବଲିଉଡ୍ରେ ଖାନ୍ ପରିବାର କହିଲେ ସଲମାନ୍ ଖାନଙ୍କ ପରିବାରକୁ ବୁଝାଇଥାଏ । କାରଣ ଖାନ୍ ଭାଇମାନଙ୍କର ବେଶ୍ କ୍ରେଜ୍ ରହିଛି ଜନମାନସରେ । ସଲମାନଙ୍କର ବାହାରେ ଷ୍ଟାଇଲିସ୍ ଦେଖାଯାଉଥିଲେ ମଧ୍ୟ ଘରେ ସାଧାରଣ ଜୀବନ ବଞ୍ଚିବାକୁ ପସନ୍ଦ କରନ୍ତି । ଏହା ସହ ପରିବାରକୁ କିପରି ଏକଜୁଟ୍ କରି ରଖାଯିବ ସେ ନେଇ ସଲମାନ ସବୁବେଳେ ଚେଷ୍ଟା କରି ଆସିଛନ୍ତି । ସଲମାନଙ୍କର ତାଙ୍କ ଭାଇ ଓ ଭଉଣୀଙ୍କ ପାଇଁ ଥିବା ଭଲପାଇବା ଚର୍ଚ୍ଚାରେ ରହି ଆସୁଥିବା ବେଳେ ଏବେ ଅର୍ବାଜ୍ଙ୍କ ସହ ତାଙ୍କ ସଂପର୍କ ତିକ୍ତ ହୋଇ ଯାଇଛି ବୋଲି ଚର୍ଚ୍ଚା ଆରମ୍ଭ ହୋଇଛି । ଅରବାଜ ଆଇପିଏଲ୍ ବେଟିଂରେ ସଂପୃକ୍ତ ବୋଲି ଧରାପଡ଼ିବା ପରେ ସଲମାନ୍ ଖୁବ୍ ରାଗୀ ଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଘଟଣା ପରେ ସଲମାନ ଅର୍ବାଜ୍ଙ୍କ ଉପରକୁ ହାତ ମଧ୍ୟ ଉଠାଇଥିଲେ ବୋଲି ଚର୍ଚ୍ଚା ହେଉଛି । ଅର୍ବାଜ୍ ଆଇପିଏଲ୍ରେ ବେଟିଂ କରୁଥିବା ଜାଣି ସଲମାନ ରାଗରେ ଅର୍ବାଜ୍ଙ୍କ ଉପରକୁ ହାତ ଉଠାଇଥିଲେ । କିନ୍ତୁ ତାଙ୍କ ମା’ ସଲମା ମଝିରେ ଆସି ଯିବାରୁ ସଲମାନ ଅଟକି ଯାଇଥିଲେ । କିନ୍ତୁ ଅର୍ବାଜ୍ ତାଙ୍କ କଥା ନ ଶୁଣିବାରୁ ସଲମାନ ଦବଙ୍ଗ ଫ୍ରାଞ୍ଚାଇଜ୍ରୁ ନିଜକୁ ଅଲଗା କରି ଦେଇଥିବା ଜଣାପଡ଼ିଛି । ଆଗରୁ ଦବଙ୍ଗର ଦୁଇଟି ଭାଗରେ ସଲମାନ ଅଭିନୟ କରି ସାରିଥିବା ବେଳେ ଏହାର ତୃତୀୟ ଭାଗରେ ମଧ୍ୟ ଅଭିନୟ କରିବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ଏହି ଘଟଣା ପରେ ସେ ଦବଙ୍ଗର ତୃତୀୟ ଭାଗ କରିବେ ନାହିଁ ବୋଲି ଜଣାପଡ଼ିଛି । ତେବେ ଏ କଥାରେ କେତେ ସତ୍ୟତା ରହିଛି ତାହା ଆଗକୁ ଜଣାପଡ଼ିବ ।