ସାମ୍ବାଦିକଙ୍କୁ ମାଡ଼ ମାରିବା ଘଟଣା : ସଲମାନଙ୍କ ବିରୋଧରେ ତଦନ୍ତ ଆରମ୍ଭ କରିବାକୁ ଆଦେଶ ଦେଲେ ଅଦାଲତ
ମୁମ୍ବାଇ : ବଲିଉଡ୍ ଅଭିନେତା ସଲମାନ ଖାନ୍ ବିବାଦରେ ଛନ୍ଦି ହେବା କିଛି ନୂଆ କଥା ନୁହେଁ । ଅନେକ ସମୟରେ ତାଙ୍କୁ ନେଇ ବିଭିନ୍ନ ପ୍ରକାରର ବିବାଦ ଦେଖାଯାଇଥାଏ । ଗତ ଜୁନ୍ ମାସରେ ଜଣେ ସାମ୍ବାଦିକ ସଲମାନ ଓ ତାଙ୍କ ସୁରକ୍ଷାକର୍ମୀଙ୍କ ଉପରେ ମାର୍ପିଟ୍ର ଅଭିଯୋଗ ଆଣିଥିଲେ । ଦୁହେଁ ପୀଡ଼ିତଙ୍କୁ ବିଚ୍ ରାସ୍ତାରେ ମାଡ଼ ମାରିବା ସହ ଧମକାଇଥିଲେ ବୋଲି କହି ଏତଲା ରୁଜୁ କରିଥିଲେ ସାମ୍ବାଦିକ । ସାମ୍ବାଦିକଙ୍କ ନାଁ ଅଶୋକ ପାଣ୍ଡେ ବୋଲି ଜଣା ପଡ଼ିଥିବା ବେଳେ ସେ ଜେକେ୨୪x୭ନିଉଜ୍ ଚ୍ୟାନେଲର ମୁଖ୍ୟ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଏବେ ଏହି ମାମଲା ଉପରେ ଶୁଣାଣି କରି ଅନ୍ଧେରୀରେ ଥିବା ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ ଅଦାଲତ ମୁମ୍ବାଇ ପୁଲିସକୁ ତଦନ୍ତ ନିର୍ଦ୍ଦେଶ ଦେଇଛନ୍ତି । ତଦନ୍ତ କରି ଅକ୍ଟୋବର ୧୪ସୁଧା ରିପୋର୍ଟ ଦେବାକୁ ପୁଲିସକୁ ଆଦେଶ ଦେଇଛନ୍ତି ମେଟ୍ରୋପଲିଟାନ୍ ମାଜିଷ୍ଟ୍ରେଟ୍ ଅଦାଲତ । ସୂଚନା ମୁତାବକ, ଏପ୍ରିଲ ୨୪ରେ ସଲମାନ ସାଇକେଲ ଚଳାଉଥିବା ବେଳେ ଅଶୋକ ପାଣ୍ଡେ ଏହାକୁ ସୁଟ୍ କରିବାକୁ ଚେଷ୍ଟା କରିଥିଲେ । ଯାହା ପରେ ସଲମାନ ଓ ତାଙ୍କ ସୁରକ୍ଷାକର୍ମୀ ଅଶୋକ ପାଣ୍ଡେଙ୍କୁ ମାଡ଼ ମାରିଥିଲେ ।