ଅମିରଙ୍କ ‘ମହାଭାରତ’ରେ ସଲମାନ୍ କୃଷ୍ଣ ଏବଂ ଦୀପିକା ଦ୍ରୌପଦୀ ହେବେ
ମୁମ୍ବାଇ : ‘ଦଙ୍ଗଲ’ ଏବଂ ‘ସିକ୍ରେଟ ସୁପରଷ୍ଟାର’ର ସଫଳତା ପରେ ଏବେ ଆଉ ଏକ ନୂଆ ଫିଲ୍ମକୁ ନେଇ ଚର୍ଚ୍ଚାରେ ଅଛନ୍ତି ବଲିଉଡ୍ ପରଫେକସନିଷ୍ଟ୍ ଅମିର ଖାନ । ୧୦୦୦ କୋଟି ବଜେଟ୍ରେ ତିଆରି ହେଉଥିବା ଏହି ଫିଲ୍ମକୁ ନେଇ ଅନେକ ଆଲୋଚନା ଚାଲୁଥିବା ବେଳେ ଏବେ କୃଷ୍ଣଙ୍କ ଚରିତ୍ରକୁ ନେଇ ଚର୍ଚ୍ଚା ଆରମ୍ଭ ହୋଇଛି । ‘ମହାଭାରତ’ ଫିଲ୍ମରେ କୃଷ୍ଣଙ୍କ ଚରିତ୍ର ପାଇଁ ଅମିର ଖାନ ସଲମାନଙ୍କୁ ମନୋନୀତ କରିଥିବା ନେଇ ଚର୍ଚ୍ଚା ଆରମ୍ଭ ହୋଇଛି । ଏ ନେଇ ବିଧିବଦ୍ଧ ଭାବରେ କୌଣସି ଘୋଷଣା କରାଯାଇ ନ ଥିଲେ ମଧ୍ୟ ସଲମାନଙ୍କୁ ଏହି ଚରିତ୍ର କରିବା ପାଇଁ ଅମିର ତାଙ୍କୁ ପ୍ରସ୍ତାବ ଦେଇଥିବା ବିଶେଷ ସୁତ୍ରରୁ ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଏହା ସହ ଦ୍ରୌପଦୀ ଚରିତ୍ର ପାଇଁ ଅମିର ଦୀପିକା ପାଦୁକୋନ୍ ଏବଂ ସାନା ଶେଖ୍ଙ୍କୁ ପ୍ରସ୍ତାବ ଦେଇଥିବା ବେଳେ ଫିଲ୍ମଟି ଦ୍ରୌପଦୀଙ୍କ ଦୃଷ୍ଟିକୋଣରୁ ଦେଖାଯିବାକୁ ଥିବାରୁ ଫିଲ୍ମରେ ଦ୍ରୌପଦୀ ଚରିତ୍ରଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ଆଲୋଚନା ହେଉଛି । ଏହି ଫିଲ୍ମଟି ଅମିର ଖାନ୍ଙ୍କ ଡ଼୍ରିମ୍ ପ୍ରୋଜେକ୍ଟ ହୋଇଥିବା ବେଳେ ଫିଲ୍ମଟିକୁ ୩ଟି ଭାଗରେ ଦର୍ଶକ ଦେଖିବେ ବୋଲି ସୂଚନା ମିଳିଛି । ୩ ଭାଗର ସୁଟିଂ ସରିବା ପରେ ଗୋଟିଏ ପରେ ଗୋଟିଏ କରି ପ୍ରତିଟି ଭାଗକୁ ରିଲିଜ କରିବେ ବୋଲି ଆମିର କହିଛନ୍ତି । ଏ ପର୍ଯ୍ୟନ୍ତ ଏହି ଫିଲ୍ମଟି ରିଲିଜ କେବେ ହେବ ତାହା ଜଣା ପଡ଼ିନାହିଁ ।