ଭଂସାଲୀଙ୍କ ଆଗାମୀ ଫିଲ୍ମରେ ଏହି ଅଭିନେତ୍ରୀଙ୍କ ସହ କାମ କରିବାକୁ ଚାହୁଁଛନ୍ତି ସଲମାନ ଖାନ୍
ମୁମ୍ବାଇ : ଫିଲ୍ମ ‘ହମ୍ ଦିଲ୍ ଦେ ଚୁକେ ସନମ୍’ ପରେ ଏବେ ପୁଣି ଥରେ ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କ ସହ କାମ କରିବାକୁ ଯାଉଛନ୍ତି ବଲିଉଡ୍ର ଭାଇଜାନ ସଳମାନ୍ ଖାନ୍ । ପାଖାପାଖି ୨୦ବର୍ଷ ପରେ ଦୁଇ ଜଣ ସାଥୀରେ କାମ କରିବାକୁ ଯାଉଥିବା ଜଣାପଡ଼ିଛି । ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ଏକ ପ୍ରେମ କାହାଣୀକୁ ନେଇ ଫିଲ୍ମ ତିଆରି କରିବାକୁ ଯାଉଥିବା ବେଳେ ଏ ନେଇ ସେ ମୁଖ୍ୟ ନାୟକ ଭାବେ ସଲମାନ ଖାନ୍ଙ୍କୁ ବାଛିଛନ୍ତି । ତେବେ ଫିଲ୍ମରେ ମୁଖ୍ୟ ଅଭିନେତ୍ରୀ କିଏ ହେବ ସେ ନେଇ ଚର୍ଚ୍ଚା ଲାଗି ରହିଥିବା ବେଳେ ସଲମାନ ବଲିଉଡ୍ ଅଭିନେତ୍ରୀ ଦୀପିକାଙ୍କ ସହ ଏହି ଫିଲ୍ମ କରିବାକୁ ଚାହୁଁଥିବା ଚର୍ଚ୍ଚା ହେଉଛି ।
Sambad is now on WhatsApp
Join and get latest news updates delivered to you via WhatsApp
ସଲମାନ ଏବେ ନିଜ ଫିଲ୍ମ ‘ଭାରତ’କୁ ନେଇ ବ୍ୟସ୍ତ ଥିବା ବେଳେ ଭଂସାଲୀଙ୍କ ଫିଲ୍ମର ସୁଟିଂ ଖୁବ୍ ଶୀଘ୍ର ଆରମ୍ଭ ହେବ ବୋଲି ଜଣା ପଡ଼ିଛି । ଏ ମଧ୍ୟରେ ଫିଲ୍ମର ନାୟିକାଙ୍କୁ ନେଇ ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ଚିନ୍ତାରେ ପଡ଼ିଥିବା ବେଳେ ତାଙ୍କୁ ସମସ୍ୟାର ସମାଧାନ କରିଛନ୍ତି ଭାଣଜାନ୍ । ସେ ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କୁ ଦୀପିକାଙ୍କ ନାଁ ପରାମର୍ଶ କରିଥିବା ଜଣା ପଡ଼ିଛି । ତେବେ ଫିଲ୍ମରେ ସଲମାନଙ୍କ ନାୟିକା କିଏ ହେବେ ତାହା ଆଗକୁ ଜଣା ପଡ଼ିବ ।