ଭୁବନେଶ୍ୱର: ଓଲିଉଡ୍ରେ ଅନେକ ସମୟରେ ମୌଳିକ ସିନେମା ନିର୍ମାଣଲାଗି ସୁଯୋଗ ମିଳେ ନାହିଁ ବୋଲି ଅନେକ ନିର୍ଦ୍ଦେଶକ ଅଭିଯୋଗ କରନ୍ତି । କିନ୍ତୁ ସେଭିତରେ ବି ଓଲିଉଡ୍ର ସୁପରିଚିତ ନିର୍ଦ୍ଦେଶକ ସୁଶାନ୍ତ ମଣି କେତୋଟି ବାସ୍ତବଧର୍ମୀ ଏବଂ ମୌଳିକ କାହାଣୀ ଆଧାରିତ ସିନେମା ନିର୍ମାଣ କରିବାରେ ସକ୍ଷମ ହୋଇଛନ୍ତି । ଏହି ଓଡ଼ିଆ ନିର୍ଦ୍ଦେଶକ ସୁଶାନ୍ତ ମଣିଙ୍କ ଯେଉଁ ସିନେମା ଚଳିତ ବର୍ଷ ରିଲିଜ୍ ହୋଇଛି ତାହା ବି ମୌଳିକ କାହାଣୀ ଆଧାରିତ। ଏହା ଏକ ସତ୍ୟ୍ୟ ପ୍ରେମ କାହାଣୀ ଉପରେ ଆଧାରିତ ବୋଲି ନିଜେ ସୁଶାନ୍ତ ମଣି କହିଥିଲେ । ଏଠାରେ ଯେଉଁ ସିନେମାର କଥା କୁହାଯାଉଛି ତାହା ହେଲା ‘ସପନର ପଥେ ପଥେ’।
Sambad is now on WhatsApp
Join and get latest news updates delivered to you via WhatsApp
ସୀତାରାମ ଅଗ୍ରଓ୍ଵାଲଙ୍କ ପ୍ରଯୋଜିତ ଏହି ସିନେମାରେ ପ୍ରଥମ ଥର ଲାଗି ଦର୍ଶକ ଅମ୍ଳାନଙ୍କ ବିପକ୍ଷରେ ଜଣେ ନବାଗତା ସନମୀରାଙ୍କୁ ଦେଖିବାକୁ ପାଇଛନ୍ତି । ଏତଦବ୍ୟତୀତ ମନୋଜ ପଟ୍ଟନାୟକ,ପୃଥ୍ଵୀରାଜ,ଚିତ୍ତ ତ୍ରିପାଠୀ ଏବଂ ଟିକି ତ୍ରିପାଠୀ ପ୍ରମୁଖ ମୁଖ୍ୟ ଭୂମିକାରେ ଥିଲେ। ଡ଼ ନିର୍ମଳ ନାୟକ ଏହାର ସଂଳାପ ଲେଖିଥିବା ବେଳେ ଏଥିରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଅସଦ୍ ନିଜାମ୍ । ତେବେ ଏହି ସିନେମା ସାର୍ଥକର ଅମ୍ଳାନଙ୍କ ଅଭିନୀତ ପୂର୍ବ ଫିଲ୍ମ ‘ଗୋଲାପି ଗୋଲାପି’ ଭଳି ସଫଳତା ହାସଲ କରିବାରେ ସକ୍ଷମ ହୋଇ ନାହିଁ।