କାଷ୍ଟିଙ୍ଗ କାଉଚ୍ ଉପରେ ସରୋଜ୍ ଖାନ୍ଙ୍କ ମତକୁ ନେଇ ବଲିଉଡରେ ଝଡ଼: ବିରୋଧ କଲେ ଶ୍ରୀ ରେଡ୍ଡୀ, ସାଫି ଚୌଧୁରୀ ଓ ମିନି ମାଥୁର
ମୁମ୍ବାଇ : ମନୋରଞ୍ଜନ ଦୁନିଆରେ କାଷ୍ଟିଙ୍ଗ କାଉଚ୍କୁ ନେଇ ପୂର୍ବରୁ ଅନେକ ଘଟଣା ସାମ୍ନାକୁ ଆସିଥିବା ବେଳେ ଏହାକୁ ନେଇ ନିଜର ମତ ରଖିଛନ୍ତି ପ୍ରଖ୍ୟାତ କୋରିଓଗ୍ରାଫର ସରୋଜ ଖାନ୍ । ବହୁ ବର୍ଷ ସେ ଫିଲ୍ମ ଇଣ୍ଡଷ୍ଟ୍ରିରେ କଟାଇ ସାରିଥିବା ବେଳେ କାଷ୍ଟିଙ୍ଗ କାଉଚ୍କୁ ନେଇ ଏକ ସାମ୍ବାଦିକ ସମ୍ମିଳନୀରେ ସେ ଏ ନେଇ ସ୍ପଷ୍ଟୀକରଣ ଦେଇଛନ୍ତି । କାଷ୍ଟିଙ୍ଗ କାଉଚ୍ର ଶିକାର ହୋଇଥିବାର ଅଭିଯୋଗ ଆଣିଥିବା ଶ୍ରୀ ରେଡ୍ଡୀଙ୍କ ବିରୋଧରେ ନିଜର ମତ ରଖିଥିବା ଜଣାପଡ଼ିଛି । ଏହି ବିଷୟରେ ଜାଣିବା ପରେ ଶ୍ରୀ ରେଡ୍ଡୀ ସରୋଜ ଖାନ୍ଙ୍କ ପ୍ରତି ଥିବା ତାଙ୍କର ସମ୍ମାନ କମି ଯାଇଛି ବୋଲି କହିଛନ୍ତି । ଖାଲି ସେ ନୁହେଁ ବଲିଉଡ଼ରେ ଅନେକ କଳାକାର ସରୋଜ ଖାନ୍ଙ୍କ ଏହି ସ୍ପଷ୍ଟୀକରଣକୁ ବିରୋଧ କରୁଥିବା ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏକ ସାମ୍ବାଦିକ ସମ୍ମିଳନୀରେ ଯୋଗ ଦେବାକୁ ଯାଇଥିବା ବେଳେ ତାଙ୍କୁ ଶ୍ରୀ ରେଡ୍ଡୀଙ୍କ ଉପରେ ହୋଇଥିବା ଅତ୍ୟାଚାର ଉପରେ ନିଜର ମତ ରଖିବାକୁ କୁହାଯାଇଥିଲା । ଏହା ଶୁଣିବା ପରେ ସେ କହିଥିଲେ, ଏଭଳି ଜିନିଷ ପୁରୁଣା ଜମାନାରୁ ଚାଲି ଆସୁଛି । ସବୁ ଝିଅଙ୍କର କିଏ ନା କିଏ ଫାଇଦା ନେବାକୁ ଚେଷ୍ଟା କରିଥାନ୍ତି । ସରକାର ମଧ୍ୟ । ସରାକାରୀ ବାବୁ ମଧ୍ୟ ମହିଳାମାନଙ୍କ ସହ ଯୌନ ଅସଦାଚରଣ କରୁଛନ୍ତି । ଆପଣମାନେ ଫିଲ୍ମ ଇଣ୍ଡଷ୍ଟ୍ରି ପଛରେ କାହିଁକି ପଡ଼ିଛନ୍ତି । ଫିଲ୍ମ ଇଣ୍ଡଷ୍ଟ୍ରିରେ ଯୁବତୀମାନଙ୍କ ସହ ଦୁଷ୍କର୍ମ କରି ଛାଡ଼ି ଦିଆ ଯାଏ ନାହିଁ । ସେମାନଙ୍କୁ ରୋଜଗାର ଦିଆଯାଏ ବୋଲି ସେ ନିଜର ମତ ରଖିଥିଲେ ।
WTH?!!!! So much respect for Saroj-ji as a choreographer but this is how she uses her position to protect girls?!!! If I didn’t come from a financially sound background I would have returned to London within a month of being in mumbai cos of “industry folk” who think like that!! https://t.co/mUqql4MpFh
— Sophie Choudry (@Sophie_Choudry) April 24, 2018
ସରୋଜଙ୍କ ଏହି ମତକୁ ବଲିଉଡ଼ର କିଛି କଳାକାର ଏହାକୁ ବିରୋଧ କରିଥିଲେ । ବ୍ରିଟିଶ ଅଭିନେତ୍ରୀ ଏବଂ ମଡ଼େଲ ସୋଫି ଚୌଧୁରୀ ଏବଂ ଟିଭି ହୋଷ୍ଟ ମିନି ମାଥୁର୍ ଟ୍ଵିଟ୍ କରି ସରୋଜ ଖାନ୍ ଦେଇଥିବା ମତକୁ ନାପସନ୍ଦ କରିଥିବା ଦେଖା ଯାଇଛି ।
WTH!!!?? I see the distinction she is trying to make here but that doesn’t justify any kind of exploitation M’am.. this is hugely irresponsible! https://t.co/uDqsd18TR8
— Mini Mathur (@minimathur) April 24, 2018