ତନୁଶ୍ରୀ-ନାନା ବିବାଦକୁ ନେଇ ଆଶ୍ଚର୍ଯ୍ୟକର ବୟାନ ଦେଲେ ଶକ୍ତି କପୁର, କହିଲେ; ୧୦ବର୍ଷ ତଳେ ମୁଁ…
ମୁମ୍ବାଇ: ତନୁଶ୍ରୀ-ନାନା ବିବାଦକୁ ଦେଇ ଏବେ ଚାରିଆଡ଼େ ଚର୍ଚ୍ଚା ଚାଲିଥିବା ବେଳେ ପ୍ରତିଦିନ ଏ ନେଇ ବଲିଉଡ୍ କଳାକାର ଦେଉଥିବା ମତ ଏହି ଚର୍ଚ୍ଚାକୁ ଆହୁରି ବଢ଼ାଇବାରେ ଲାଗିଛି । ପ୍ରତିଦିନ ଏହି ବିବାଦକୁ ନେଇ ସମସ୍ତଙ୍କର ଭିନ୍ନ ଭିନ୍ନ ମତ ସାମ୍ନାକୁ ଆସୁଥିବା ବେଳେ ପ୍ରକୃତରେ ୧୦ବର୍ଷ ତଳେ ଫିଲ୍ମର ସୁଟିଂ ସେଟ୍ରେ କ’ଣ ଘଟିଥିଲା ସେ ନେଇ ସମସ୍ତଙ୍କ ମନରେ ଅନେକ ପ୍ରଶ୍ନ ଉଠିବା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ବଲିଉଡ୍ର ଅନେକ କଳାକାର ଏହି ବିବାଦ ଉପରେ ନିଜର ମତ ରଖିଥିବା ବେଳେ ଏବେ ବଲିଉଡ୍ର ବ୍ୟାଡ୍ମ୍ୟାନ୍ ଶକ୍ତି କପୁର ଏ ନେଇ ନିଜର ମତ ରଖିଛନ୍ତି । ଗତ କାଲି ତାଙ୍କୁ ଏହି ବିବାଦ ଉପରେ ମତ ମଗା ଯାଇଥିବା ବେଳେ, “ମୁଁ କାଲି ଆମେରିକାରୁ ଆସିଛି । ହୋଇଥିବା ବିବାଦ ବିଷୟରେ ମୋତେ କିଛି ବି ଜଣା ନାହିଁ । କିଛି ନ ଜାଣି ମତ ରଖିବା ଠିକ୍ ନୁହଁ” ବୋଲି କହିଥିଲେ ଶକ୍ତି କପୁର । ଏହା ପରେ ଜଣେ ସାମ୍ବାଦିକ ତାଙ୍କୁ ପୂରା ଘଟଣା ବିଷୟରେ ଜଣାଇଥିଲେ । ସବୁ ଜାଣିବା ପରେ “ମୁଁ ଜାଣି ନାହିଁ ୧୦ବର୍ଷ ପୂର୍ବେ କ’ଣ ଘଟିଥିଲା । ସେ ସମୟରେ ମୁଁ ଛୁଆ ଥିଲି” ବୋଲି ଆଶ୍ଚର୍ଯ୍ୟ କଲା ଭଳି ବୟାନ ରଖିଥିଲେ ଶକ୍ତି କପୁର ।