ଗୋଟିଏ ବିଜ୍ଞାପନ ପାଇଁ ଏକ କୋଟି ଟଙ୍କା ନେଲେ ପ୍ରିୟା ପ୍ରକାଶ
ମୁମ୍ବାଇ : ଚଳିତ ବର୍ଷ ଦେଶର ସବୁଠାରୁ ବଡ଼ ଇଣ୍ଟରନେଟ୍ ସେନ୍ସେସନ୍ ପାଲଟିଥିବା ପ୍ରିୟା ପ୍ରକାଶ ଏବେ ପୁଣି ଚର୍ଚ୍ଚାକୁ ଆସିଛନ୍ତି । କିଛି ସେକେଣ୍ଡର ଭିଡ଼ିଓରେ ସେ ଦେଶର ଯୁବପିଢ଼ିଙ୍କ ମନକୁ ଜିଣିଥିବା ବେଳେ ଏବେ ତାହାର ପ୍ରଭାବ ଦେଖିବାକୁ ମିଳିଛି । ଖୁବ୍ କମ ସମୟରେ ତାଙ୍କୁ ମିଳିଥିବା ସଫଳତା ଏବେ ସମସ୍ତଙ୍କ ପାଇଁ ଚର୍ଚ୍ଚାର ବିଷୟ ପାଲଟିଛି । ଗୋଟିଏ ପଟେ ସଫଳତାର ସିଡ଼ି ସେ ଚଢ଼ିବା ଆରମ୍ଭ କରିଥିବା ବେଳେ ଏବେ ଏକ ବିଜ୍ଞାପନ ପାଇଁ ସେ ଏକ କୋଟି ଟଙ୍କା ନେଇଥିବା ଜଣା ପଡ଼ିଛି । ଆଜ୍ଞା ହଁ! ଠିକ୍ ଶୁଣିଲେ । ଏକ ବିଜ୍ଞାପନରେ କାମ କରିବା ପାଇଁ ସେ ଏକ କୋଟି ଟଙ୍କା ନେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇରେ ଏହି ସୁଟ୍ କରାଯାଇଥିବା ବେଳେ ଏହି ବିଜ୍ଞାପନର ସୁଟିଂ ସମୟରେ ସୁରକ୍ଷା ବ୍ୟବସ୍ଥା କଡ଼ା କଡ଼ି ଥିବା ଦେଖିବାକୁ ମିଳିଥିଲା । ମିଳିଥିବା ସୂଚନା ଅନୁଯାୟୀ, ଏହି ବିଜ୍ଞାପନ ପାଇଁ ପ୍ରିୟା ପାଖାପାଖି ଏକ କୋଟି ଟଙ୍କା ନେଇଥଲେ । ଯାହା ଜଣେ ନବାଗତାଙ୍କ ପାଇଁ ଖୁବ୍ ଅଧିକ । ଏହା ପୂର୍ବରୁ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ପ୍ରମୋସନ କରିବା ପାଇଁ ୮ଲକ୍ଷ ଟଙ୍କା ମାଗିଥିବାରୁ ଚର୍ଚ୍ଚାରେ ରହିଥିଲେ ପ୍ରିୟା ।