୧୪ବର୍ଷ ପରେ ପରଦାକୁ ଫେରୁଛନ୍ତି ସ୍ନେହା ଉଲାଲ୍, ସଲମାନ ଦେଇଥିଲେ ବ୍ରେକ୍
ମୁମ୍ବାଇ : ବଲିଉଡ୍ ଅଭିନେତ୍ରୀ ସ୍ନେହା ଉଲାଲ୍ ୧୪ବର୍ଷ ପରେ ପୁଣି ପରଦାକୁ ଫେରୁଥିବା ଜଣାପଡ଼ିଛି। ସ୍ନେହା ୨୦୦୫ରେ ‘ଲକି: ନୋ ଟାଇମ୍ ଫର୍ ଲଭ୍’ରୁ ବଲିଉଡ୍ରେ ନିଜ କ୍ୟାରିୟର ଆରମ୍ଭ କରିଥିଲେ। କିନ୍ତୁ ଫିଲ୍ମଟି ବକ୍ସ ଅଫିସରେ ସଫଳତା ପାଇ ପାରି ନଥିଲା । ସ୍ନେହାଙ୍କ ମୁହଁ ଅଭିନେତ୍ରୀ ଐଶ୍ୱର୍ଯ୍ୟାଙ୍କ ସହ ମିଶୁଥିବାରୁ ତାଙ୍କୁ ନେଇ ସେ ସମୟରେ ଅନେକ ଚର୍ଚ୍ଚା ହୋଇଥିଲା । ସଲମାନ ସ୍ନେହାଙ୍କୁ ଐଶ୍ୱର୍ଯ୍ୟାଙ୍କଠାରୁ ଅଲଗା ହେବା ପରେ ବଲିଉଡ୍କୁ ଆଣିଥିଲେ ।
Sambad is now on WhatsApp
Join and get latest news updates delivered to you via WhatsApp
ପୁଣି ଥରେ ପରଦାକୁ ଫେରିବା ନେଇ ସ୍ନେହା ନିଜର ପ୍ରତିକ୍ରିୟା ରଖି କହିଛନ୍ତି। “ମୁଁ ବହୁତ ଖୁସି କି, ପୁଣି ଥରେ କାମ କରିବାର ସୁଯୋଗ ମିଳିଛି । ସତ କହିବାକୁ ଗଲେ, ମୁଁ ଏହି ଦିନକୁ ଅନେକ ପୂର୍ବରୁ ଅପେକ୍ଷା କରିଥିଲି ।ଏବେ ମହିଳାମାନଙ୍କ ଯୁଗ ଚାଲିଛି । ମହିଳାମାନଙ୍କୁ ପରଦାରେ ସମାନ ସ୍ଥାନ ଦିଆଯାଉଛି । ଯାହାକୁ ମୁଁ ଅନେକ ପୂର୍ବରୁ ଅପେକ୍ଷା କରିଥିଲି । ୨୦୦୫ରେ ମୁଁ କ୍ୟାରିୟର ଆରମ୍ଭ କରିବା ସମୟରେ ପରିସ୍ଥିତି କିଛି ଅଲଗା ଥିଲା । ଏବେ ବଲିଉଡ୍ ଫିଲ୍ମ ଭଳି ଡିଜିଟାଲ ପ୍ଲାଟ୍ଫର୍ମ ମଧ୍ୟ ଭଲ ପ୍ରଦର୍ଶନ କରୁଛି । ନେଟ୍ଫ୍ଲିକ୍ସରେ ସାମିଲ ହୋଇ ମୁଁ ବହୁତ ଖୁସି।”