ଏହି କାରଣରୁ ନଭେମ୍ବର ୧୫ରେ ବିବାହ କରିବାକୁ ଯାଉଛନ୍ତି ଦୀପ୍-ବୀର
ମୁମ୍ବାଇ : ବଲିଉଡ୍ର ସବୁଠାରୁ ଲୋକପ୍ରିୟ ଯୋଡ଼ିଙ୍କ ମଧ୍ୟରେ ରହିଛି ବଲିଉଡ୍ର ବାଜିରାଓ ମସ୍ତାନି ଅଭିନେତା ରଣବୀର ସିଂ ଏବଂ ଅଭିନେତ୍ରୀ ଦୀପିକା ପାଦୁକୋନଙ୍କ ନାଁ । ଦୁହିଁଙ୍କ ବିବାହ ତାରିଖକୁ ନେଇ ଅନେକ ଚର୍ଚ୍ଚା ହୋଇଥିବା ବେଳେ ଗତକାଲି ସବୁ ଚର୍ଚ୍ଚାର ଅନ୍ତ ଘଟିବା ସହ ଦୁହିଁଙ୍କ ବିବାହ ତାରିଖ ସ୍ଥିର ହୋଇଛି । ଦୁହେଁ ନିଜ ନିଜର ଇନ୍ଷ୍ଟା ଆକାଉଣ୍ଟରୁ ବିବାହର ନିମନ୍ତ୍ରଣ ପତ୍ରର ଫଟୋ ପୋଷ୍ଟ କରି ନଭେମ୍ବର୧୫ରେ ଦୁହେଁ ବିବାହ କରିବେ ବୋଲି ସ୍ପଷ୍ଟ କରିଥିଲେ । ତେବେ ଦୁହିଁ ଏହି ତାରିଖ ପଛରେ ଏକ ବଡ଼ କାରଣ ରହିଥିବା ଆଲୋଚନା ହେଉଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦୁହେଁ ପ୍ରଥମ ଥର ପାଇଁ ଫିଲ୍ମ ରାମଲୀଲାରେ ସାଥୀରେ କାମ କରିଥିବା ବେଳେ ଫିଲ୍ମଟି ନଭେମ୍ବର୧୫,୨୦୧୩ରେ ରିଲିଜ୍ ହୋଇଥିଲା । ଏହି ଫିଲ୍ମ ପରଠାରୁ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଆରମ୍ଭ ହୋଇଥିବା ବେଳେ ଦୁହିଁଙ୍କ ଯୋଡ଼ିକୁ ମଧ୍ୟ ସମସ୍ତେ ପସନ୍ଦ କରିଥିଲେ । ଖାସ୍ କରି ଏହି କାରଣ ପାଇଁ ଦୁହେଁ ନଭେମ୍ବର ୧୫ ତାରିଖ ବାଛିଛନ୍ତି ବୋଲି ଲୋକେ ଚର୍ଚ୍ଚା କରିବା ଆରମ୍ଭ କରିଛନ୍ତି ।