ବିବାହ ପରେ କାହିଁକି ବାରମ୍ବାର ନାମ ବଦଳାଉଛନ୍ତି ସୋନମ୍ କପୁର !
ମୁମ୍ବାଇ: ବଲିଉଡର ଲୋକପ୍ରିୟ ନାୟିକା ସୋନମ କପୁର ବ୍ୟବସାୟୀ ଆନନ୍ଦ ଆହୁଜାଙ୍କୁ ବିବାହ କରିବା ପରେ ବାରମ୍ବାର ନିଜର ନାମ ବଦଳାଉଛନ୍ତି । ପ୍ରଥମତଃ ତାଙ୍କର ମୂଳ ନାମ ସୋନମ କପୁର। ବିବାହ ପରେ ସେ ନିଜ ନାମ ସୋନମ୍ କପୁର ଆହୁଜା ରଖିବେ ବୋଲି ସୂଚନା ମିଳିଲା। ଏବେ ତାଙ୍କ ନାମ ସୋନମ୍ କେ ଆହୁଜା ହେବ ବୋଲି ନିଶ୍ଚିତ ହୋଇଛି । ରାଷ୍ଟ୍ରୀୟ ପୁରସ୍କାରପ୍ରାପ୍ତ ଏହି ଅଭିନେତ୍ରୀ ପରିଶେଷରେ ନିଜର ନାମ ସୋନମ୍ କେ ଆହୁଜା ରଖିବାକୁ ସହମତି ପ୍ରକାଶ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏବେ ଆସନ୍ତୁ ଜାଣିବା କାହିଁକି ଏମିତି ନିଜ ନାମରେ ପରିବର୍ତ୍ତନ ଆଣିଛନ୍ତି ସୋନମ୍ । ପ୍ରକୃତରେ ଭାରତର ପ୍ରଖ୍ୟାତ ଅଙ୍କ ଜ୍ୟୋତିଷ ସଂଜୟ ଜୁମାନୀଙ୍କ ପରାମର୍ଶରେ ସୋନମ କପୁର ଏଭଳି କରିଥିବା କୁହାଯାଉଛି । ସଂଜୟ ଜୁମାନୀ ଦର୍ଶାଇଥିଲେ ଯେ ଯଦି ସୋନମ୍ ନିଜ ନାମ ସହିତ ଆହୁଜା ଶବ୍ଦ ଯୋଡ଼ିବେ ତେବେ ତାଙ୍କର ବ୍ୟକ୍ତଗତ ଓ ବୃତ୍ତିଗତ ଜୀବନ ଉପରେ କୁପ୍ରଭାବ ପଡ଼ିବ । କିନ୍ତୁ ଯଦି ସେ ତାଙ୍କ ନାମ ସୋନମ୍ କେ ଆହୁଜା ରଖିବେ, ତେବେ ତାହା ତାଙ୍କ ପାଇଁ ଭଲ ହେବ । ତାଙ୍କର ଏହି ପରାମର୍ଶକୁ ଗ୍ରହଣ କରିଛନ୍ତି ସୋନମ କପୁର । ସୋନମ କପୁରଙ୍କ ସ୍ୱାମୀ ଆନନ୍ଦ ଆହୁଜା ବି ଅଙ୍କ ଜ୍ୟୋତିଷରେ ଖୁବ୍ ବିଶ୍ୱାସ କରନ୍ତି । ଆନନ୍ଦ ଅଧିକାଂଶ ସମୟରେ ସଂଜୟ ଜୁମାନୀଙ୍କ ପରାମର୍ଶ ଲୋଡ଼ିଥାନ୍ତି ।