ଏବେ ଶ୍ରୀଦେବୀଙ୍କ ଅଧାରେ ରହି ଯାଇଥିବା ଇଚ୍ଛାକୁ ପୂରଣ କରିବାକୁ ଯାଉଛନ୍ତି ସ୍ୱାମୀ ବୋନି କପୁର
ମୁମ୍ବାଇ : ବଲିଉଡ୍ର ପ୍ରଥମ ମହିଳା ସୁପରଷ୍ଟାର ଦିବଂଗତ ଅଭିନେତ୍ରୀ ଶ୍ରୀଦେବୀ ନିଜ ପରିବାରକୁ ହଠାତ୍ ଛାଡ଼ି ଚାଲିଯିବା ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ତାଙ୍କର ବିୟୋଗ ପରେ ସମସ୍ତଙ୍କ ଆଖିରେ ଲୁହ ଆସିଥିବା ବେଳେ ପରିବାରର ସଦସ୍ୟ ଭାଙ୍ଗି ପଡ଼ିଥିଲେ । ଧିରେ ଧିରେ ସ୍ୱାମୀ ବୋନି କପୁର ଏବଂ ଦୁଇ ଝିଅ ଜାହ୍ନବୀ ଏବଂ ଖୁସି କପୁର ଏହି ଦୁଃଖରୁ ବାହାରୁଥିବା ବେଳେ ବୋନି କପୁର ଏବେ ଶ୍ରୀଦେବୀଙ୍କ ଅଧାରେ ରହି ଯାଇଥିବା ଇଚ୍ଛା ପୂରା କରିବେ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଶ୍ରୀଦେବୀ ଏକ ତାମିଲ ଫିଲ୍ମ ନିର୍ମାଣ କରିବାକୁ ଚାହୁଁଥିଲେ ବୋଲି ବୋନି କପୁର କହିବା ସହ ଏହି ଫିଲ୍ମରେ ତାଙ୍କ ସହ ‘ଇଙ୍ଗ୍ଲିଶ୍ ଭିଙ୍ଗ୍ଲିଶ’୍ରେ କାମ କରିଥିବା ଅଭିନେତା ଅଜିତ୍ କାମ କରନ୍ତୁ ବୋଲି ସେ ଚାହୁଁଥିଲେ । କିନ୍ତୁ ତାଙ୍କର ଏହି ଇଚ୍ଛା ଅଧାରେ ରହି ଯାଇଥିଲା । ଏହାକୁ ଏବେ ସ୍ୱାମୀ ବୋନି କପୁର ପୂରା କରିବାକୁ ଯାଉଛନ୍ତି ।
ପୂର୍ବରୁ ଫିଲ୍ମ ପାଇଁ କାହାଣୀ ମିଳୁ ନ ଥିବା ବେଳେ ଏବେ ଫିଲ୍ମ ‘ପିଙ୍କ୍’ର ତାମିଲ ରିମେକ୍ କରିବା ପାଇଁ ନିଷ୍ପତ୍ତିି ନେଇଛନ୍ତି ବୋନି କପୁର । ପିଙ୍କ୍ର ତାମିଲ ରିମେକ୍ କରିବା ପାଇଁ ଅଭିନେତା ଅଜିତ୍ ପୂର୍ବରୁ ଶ୍ରୀଦେବୀଙ୍କୁ କହିଥିଲେ । ଯାହା ପରେ ଶ୍ରୀଦେବୀ ପିଙ୍କ୍ର ତାମିଲ ରିମେକ୍ କରିବା ପାଇଁ ରାଜି ହୋଇଥିଲେ । କିନ୍ତୁ କିଛି ଦିନ ପରେ ତାଙ୍କର ମୃତ୍ୟୁ ହେବାରୁ ଏହି କଥାକୁ ନେଇ କୌଣସି ଆଲୋଚନା ହୋଇ ନ ଥିଲା । ଏବେ ବୋନି କପୁର ଏ ନେଇ ଆଲୋଚନା କରିବା ସହ ନିର୍ମାଣ କରିବାକୁ ପ୍ରସ୍ତୁତି ଆରମ୍ଭ କରୁଥିବା ଜଣାପଡ଼ିଛି । ଫିଲ୍ମଟି ୨୦୧୯ରେ ରିଲିଜ୍ ହେବାକୁ ଥିବା ବେଳେ ଫିଲ୍ମର ନାମ ‘ଥାଲା ୫୯’ ରହିବ ବୋଲି ସୂଚନା ମିଳିଛି ।