ମୁମ୍ବାଇ: ରେଳ ଷ୍ଟେସନରେ ଗୀତ ଗାଇ ଭିକ ମାଗୁଥିବା ରାନୁ ମଣ୍ଡଳ ରାତାରାତି ସୋସିଆଲ ମିଡିଆରେ ଷ୍ଟାର ପାଲଟିଥିଲେ। କିଛିଦିନ ହେବ ରାନୁମଣ୍ଡଳଙ୍କ ସ୍ୱଭାବରେ ପରିବର୍ତ୍ତନ ଦେଖି ସାସିଆଲ ମିଡିଆରେ ବ୍ୟବହାରକାରୀ ରାନୁଙ୍କୁ ଟ୍ରୋଲ କରିବା ଆରମ୍ଭ କରି ଦେଇଥିଲେ। ତେବେ ଏହି ଘଟଣାକୁ ନେଇ କେତେକ ଲୋକ ରାନୁଙ୍କୁ ସମର୍ଥନ କରୁଥିବା ଦେଖିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ନିକଟରେ ଆୟୋଜିତ ଏକ ଫ୍ୟାସନ୍ ସୋ’ରେ ରାନୁ ମଣ୍ଡଳ ମୁଣ୍ଡରେ ଗୋଲାପ ଏବଂ ମୁହଁରେ ଅତ୍ୟଧିକ ମେକ୍ଅପ୍ ନେଇ ର଼୍ୟାମ୍ପରେ ଚାଲିଥିଲେ। ଯାହାର କିଛିଟା ଫଟୋ ସୋସିଆଲ ମିଡିଆ ଜରିଆରେ ସାମ୍ନାକୁ ଆସିଥିଲା। ଏହି ଫଟୋ ସାମ୍ନାକୁ ଆସିବା ପରେ ରାନୁଙ୍କୁ ବିଭିନ୍ନ ମିମ୍ସ କରି ସୋସିଆଲ ମିଡିଆ ବ୍ୟବହାରକାରୀ ଟ୍ରୋଲ କରିଥିଲେ। କିନ୍ତୁ ଚର୍ଚ୍ଚିତ ୟୁଟୁବର ଭୁବନ ବାମ ରାନୁ ମଣ୍ଡଳଙ୍କୁ ସମର୍ଥନ କରୁଥିବା ଦେଖିବାକୁ ମିଳୁଛି।
I request to all meme makers of #ranumondal to give two minutes to hear this.
Make a choice to make a difference.@Bhuvan_Bam pic.twitter.com/iUDCguFTcv
— Ronak Parmar (@parmarronak1997) November 17, 2019
ଭୁବନ ବାମଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଯେଉଁଥିରେ ସେ ଲୋକମାନଙ୍କୁ ଏହା ବୁଝାଇବାକୁ ଚେଷ୍ଟା କରୁଛନ୍ତି କି, ରାନୁଙ୍କୁ ଜଣା ନାହିଁ କି ସେ ଲୋକମାନଙ୍କ ସାମ୍ନାରେ କିଭଳି ସ୍ୱଭାବ ଦେଖାଇବେ। ଏପ୍ରିସିଏସନ୍ କେମିତି ରେସପନ୍ସ କରିବାକୁ ହେବ। ଏହି ଭିଡିଓ ପରେ ରାନୁଙ୍କ ସମର୍ଥନରେ ଅନେକ ଲୋକ ସାମ୍ନାକୁ ଆସିଛନ୍ତି।