ଫିଲ୍ମ ରିଲିଜ୍କୁ ଅନୁମତି ନ ମିଳିବା ପରେ କଡ଼ା ପ୍ରତିକ୍ରିୟା ରଖିଲେ ଫିଲ୍ମ ନିର୍ମାତା, କହିଲେ; ଡ଼ରି ଗଲ କି?
ମୁମ୍ବାଇ : ପ୍ରଧାନମନ୍ତ୍ରୀ ମୋଦୀଙ୍କ ଜୀବନୀକୁ ନେଇ ନିର୍ମାଣ କରାଯାଇଥିବା ଫିଲ୍ମ ପିଏମ୍ ନରେନ୍ଦ୍ର ମୋଦୀକୁ ନେଇ ଆରମ୍ଭ ହୋଇଥିବା ବିବାଦ ଏ ପର୍ଯ୍ୟନ୍ତ ଥମି ନାହିଁ । ପ୍ରଥମେ ଫିଲ୍ମର ରିଲିଜ୍ ତାରିଖ ଏପ୍ରିଲ ୫ରେ ରଖା ଯାଇଥିବା ବେଳେ ଏହାକୁ ନେଇ ବିରୋଧି ଦଳ ଆପତ୍ତି ଉଠାଇଥିଲା । ଫିଲ୍ମଟି ନିର୍ବାଚନ ଆଦର୍ଶ ଆଚରଣ ବିଧି ଉଲ୍ଲଂଘନ କରୁଥିବା ନେଇ ଅଭିଯୋଗ ଅଣାଯିବା ପରେ ଫିଲ୍ମର ରିଲିଜ୍ ତାରିଖକୁ ପରିବର୍ତ୍ତନ କରାଯାଇ ଏପ୍ରିଲ ୧୧କୁ କରାଯାଇଥିଲା । କିନ୍ତୁ ପରେ ନିର୍ବାଚନ କମିସନ ଫିଲ୍ମର ରିଲିଜ୍ ଉପରେ ରୋକ୍ ଲଗାଇଥିଲେ । ଫିଲ୍ମର ରିଲିଜ୍ ଉପରେ ରୋକ୍ ଲଗାଯିବା ପରେ ଫିଲ୍ମର ନିର୍ମାତା ଏବଂ ନିର୍ଦ୍ଦେଶକ ଖୋଲା ଖୋଲି ଭାବରେ ସାମ୍ନାକୁ ଆସିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଫିଲ୍ମର ନିର୍ମାତା ସନ୍ଦିପ ସିଂହଙ୍କ କହିବା ଅନୁଯାୟୀ, ଏହି ଫିଲ୍ମ ମୋଦୀ ବା ଭୋଟରଙ୍କୁ ଧ୍ୟାନରେ ରଖି ତିଆରି କରାଯାଇ ନାହିଁ । ଏହା ଏକ ଅନୁପ୍ରାଣିତ କଲା ଭଳି କାହାଣୀ ହୋଇଥିବାରୁ ମୁଁ ଏହାକୁ ନିର୍ମାଣ କରିବାକୁ ଚିନ୍ତା କରିଥିଲି । ଯଦି ଏହାକୁ ନିର୍ବାଚନୀ ପ୍ରଚାରର ନାଁ ଦିଆ ଯାଉଛି, ତେବେ ସବୁ ଦଳ ନିଜ ନିଜର ପ୍ରଚାର ବନ୍ଦ କରି ଦେବା ଦରକାର । ବିବାଦ କରୁଥିବା ଲୋକ ଡ଼ରି ଯାଇଛନ୍ତି ବୋଲି କହିଥିଲେ ସନ୍ଦିପ ।