ପ୍ରେମିକାଙ୍କ ସହ ଡିନର ଡେଟ୍ରେ ଯାଇଥିବା ବେଳେ ଦୁର୍ଘଟଣାର ଶିକାର ହେଲେ ଅର୍ଜୁନ ରାମପାଲ
ମୁମ୍ବାଇ: ବଲିଉଡ୍ ଅଭିନେତା ଅର୍ଜୁନ ରାମପାଲ ଏକ ବଡ଼ ଦୁର୍ଘଟଣାର ସାମ୍ନା କରିଥିବା ଖବର ତାଙ୍କ ପ୍ରଶଂସକଙ୍କୁ ଦୁଃଖିତ କରିଛି । ନିଜ ପ୍ରେମିକାଙ୍କ ସହ ଡ଼ିନର ଡ଼େଟ୍ରେ ଯାଇଥିବା ବେଳେ ସେ ଦୁର୍ଘଟଣାର ଶିକାର ହୋଇଥିଲେ । ଯାହା ପରେ ତାଙ୍କ ଆଣ୍ଠୁରେ ଗଭୀର ଆଘାତ ଲାଗିଥିବା ଜଣା ପଡ଼ିଛି । ଏହି ଦୁର୍ଘଟଣା ପରେ ତାଙ୍କୁ ବେଡ଼୍ ରେଷ୍ଟ ପାଇଁ କହିଛନ୍ତି ଡ଼ାକ୍ତର । ଏହି ଖବର ନିଜେ ରାମପାଲ ନିଜ ଇନ୍ଷ୍ଟା ଆକାଉଣ୍ଟ ଜରିଆରେ ନିଜ ପ୍ରଶଂସକମାନଙ୍କୁ ଜଣାଇଥିବା ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଦୁର୍ଘଟଣା ପରେ ତାଙ୍କର ଏମ୍ଆର୍ଆଇ କରାଯିବା ସମୟର ଏକ ଛୋଟ ଭିଡ଼ିଓ ସେ ଇନ୍ଷ୍ଟାରେ ସେୟାର କରିବା ସହ ନିଜ ଦୁର୍ଘଟଣାର ଖବର ସମସ୍ତଙ୍କୁ ଜଣାଇଥିଲେ । ଅର୍ଜୁନଙ୍କ ସ୍ୱାସ୍ଥ୍ୟବସ୍ଥା ବିଷୟରେ ଜାଣି ତାଙ୍କ ପ୍ରଶଂସକମାନେ ତାଙ୍କର ସୁସ୍ଥ ସ୍ୱାସ୍ଥ୍ୟ ପାଇଁ କାମନା କରିଥିବା ଦେଖା ଯାଇଛି । ସୂଚନା ମୁତାବକ, ଅର୍ଜୁନ ଆଗକୁ ରିଲିଜ ହେବାକୁ ଥିବା ଫିଲ୍ମ ପଲ୍ଟନ୍ରେ ନଜର ଆସିବାକୁ ଥିବା ବେଳେ ଏଥରେ ତାଙ୍କ ସହ ନଜର ଆସୁଛନ୍ତି ହର୍ଷବର୍ଦ୍ଧନ ରାଣେ ଏବଂ ଗୁର୍ମିତ୍ ଚୌଧୁରୀ ।