ସୁନୈନାଙ୍କ ପ୍ରେମିକଙ୍କୁ ନେଇ ସାମ୍ନାକୁ ଆସିଲା ବଡ଼ ଖବର, ପ୍ରେମିକ ବିଷୟରେ ଏ କଥା ଜାଣି ଝିଅର ବିବାହ କରୁନାହାନ୍ତି ରୋଶନ ପରିବାର
ମୁମ୍ବାଇ : କିଛି ଦିନ ହେଲାଣି ରୋଶନ ପରିବାର ବିବାଦରେ ରହିଛି । ବଲିଉଡ୍ ଅଭିନେତା ରିତିକ୍ ରୋଶନଙ୍କ ଭଉଣୀ ସୁନୈନା ନିଜ ପରିବାରକୁ ନେଇ ଯେଉଁ ବିବାଦୀୟ ବୟାନ ଦେବାରେ ଲାଗିଛନ୍ତି, ତାକୁ ସହଜରେ ହଜମ କରି ପାରୁ ନାହାନ୍ତି ଲୋକେ । ମୁସ୍ଲିମ୍ ଯୁବକଙ୍କୁ ଭଲ ପାଉଥିବାରୁ ପରିବାର ଲୋକେ ଘରେ ବନ୍ଦୀ କରି ରଖିବା ସହ ମାଡ଼ ମାରୁଥିବାର ଅଭିଯୋଗ ଆଣିଥିଲେ ସୁନୈନା । ଏ ନେଇ ଅଭିନେତ୍ରୀ କଙ୍ଗନା ରାଣାଓ୍ଵତଙ୍କ ଭଉଣୀ ରଙ୍ଗୋଲି ଏକାଧିକ ଟୁଇଟ୍ କରି ଜଣାଇବା ପରେ ପ୍ରଥମେ ଘଟଣାଟି ସାମ୍ନାକୁ ଆସିଥିଲା । ଏତେ ସବୁ ବିବାଦ ମଧ୍ୟରେ ସୁନୈନାଙ୍କ ପ୍ରେମିକ ରୁହେଲ ଅମିନ ସାମ୍ନାକୁ ଆସିବା ସହ ସୁନୈନାଙ୍କ ସମସ୍ତ ଅଭିଯୋଗକୁ ସତ ବୋଲି କହିଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ରୋଶନ ପରିବାର ଏଭଳି ନିଜ ଘରର ଝିଅ ସହ କ’ଣ ପାଇଁ ବ୍ୟବହାର କରୁଥିବା ନେଇ ଲୋକଙ୍କ ମନରେ ପ୍ରଶ୍ନ ଉଠୁଥିବା ବେଳେ ଏବେ ଏହାର କାରଣ ସାମ୍ନାକୁ ଆସିଛି । ସୁନୈନା ଭଲ ପାଉଥିବା ରୁହେଲ ପୂର୍ବରୁ ବିବାହିତ ଏବଂ ତାଙ୍କ ସନ୍ତାନ ମଧ୍ୟ ରହିଥିବା ସନ୍ଦେହ କରି ରୋଶନ ପରିବାର ସୁନୈନାଙ୍କୁ ତାଙ୍କ ଠାରୁ ଦୂୂରରେ ରଖିବା ପାଇଁ ଏଭଳି କରୁଥିବା ଜଣା ପଡ଼ିଛି । ସୁନୈନା ପୂର୍ବରୁ ନିଜ ବିବାହକୁ ନେଇ ଅନେକ ବଡ଼ ବଡ଼ ଭୁଲ କରି ସାରିଛନ୍ତି । ପୁଣି ଥରେ ସେ ଭୁଲ କରନ୍ତୁ ବୋଲି ଚାହୁଁ ନାହିଁ ରୋଶନ ପରିବାର ।