ତୈମୁର ଅଲ୍ଲୀ ଖାନ୍ଙ୍କୁ ସମ୍ଭାଳୁଥିବା ନାନିଙ୍କ ମାସିକ ଆୟ ଜାଣି ଚମକି ପଡ଼ିବେ ଆପଣ, ଜାଣନ୍ତୁ ଏହି ନାନି କିଏ?
ମୁମ୍ବାଇ : ବଲିଉଡ୍ରେ ଅଭିନେତ୍ରୀ କରୀନା କପୁର ଏବଂ ଅଭିନେତା ସୈଫ୍ ଅଲ୍ଲୀ ଖାନ୍ଙ୍କ ଲୋକପ୍ରିୟତା କେତେ ତାହା ସମସ୍ତଙ୍କୁ ଜଣା । ଏହି ଦୁଇ କଳାକାରଙ୍କ ଲୋକପ୍ରିୟତା ଏବେ ତାଙ୍କ ପୁଅ ତୈମୁରଙ୍କୁ ମିଳିବାରେ ଲାଗିଛି । କୌଣସି ଫିଲ୍ମ ନ କରି ମଧ୍ୟ ସେ ସମସ୍ତଙ୍କର ଲାଡ଼୍ଲା ବନି ପାରିଛନ୍ତି । କିନ୍ତୁ ତୈମୁରଙ୍କ ସହ ରହି ରହି ତାଙ୍କର ଯତ୍ନ ନେଉଥିବା ନାନି ମଧ୍ୟ ଆଜି ସେଲିବ୍ରିଟି ବନି ପାରିଛନ୍ତି । କୌଣସି ଫିଲ୍ମରେ ଅଭିନୟ ନ କରି ମଧ୍ୟ ସେ ଆଜି ତୈମୁରଙ୍କ ନାନି ହିସାବରେ ଚାରି ଆଡ଼େ ଜଣାଶୁଣା । ତେବେ ଆଜି ଆମେ ତୈମୁରଙ୍କ ନାନିଙ୍କ ବିଷୟରେ କିଛି ଖାସ୍ କଥା ଜଣାଇବାକୁ ଯାଉଛୁ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତୈମୁରଙ୍କ ସହ ୨୪ ଘଣ୍ଟା ରହୁଥିବା ନାନିଙ୍କ ନାମ ସାବିତ୍ରୀ ବୋଲି ଜଣା ପଡ଼ିଛି । ସାରା ଦିନ ତୈମୁରଙ୍କ ଯତ୍ନ ନେବା ପାଇଁ ତାଙ୍କ ମାସିକ ୧.୫ଲକ୍ଷ ଟଙ୍କା ମିଳିଥାଏ । ଯଦି କେବେ ସେ ଅଧିକ କାମ କରୁଛନ୍ତି ତେବେ ତାଙ୍କୁ ମାସିକ ୧.୭୫ଲକ୍ଷ ଟଙ୍କା ଦିଆ ଯାଇଥାଏ । ଏହା ସହ ତାଙ୍କୁ ଏକ କାର୍ ମଧ୍ୟ ଦିଆଯାଇଛି । ଯେଉଁଥିରେ ସେ ତୈମୁରଙ୍କୁ ବିଭିନ୍ନ ସ୍ଥାନ ବୁଲାଇବାକୁ ନେଇ ପାରିବେ । କରୀନା ଏବଂ ସୈଫ୍ଙ୍କ ପୁଅ ତୈମୁରଙ୍କୁ ସମ୍ଭାଳିବା ପାଇଁ ଜୁହୁରେ ଥିବା ଏକ ଏଜେନ୍ସି ସାବିତ୍ରୀଙ୍କୁ ବାଛିଥିଲେ ।