ମନପସନ୍ଦ ପପ୍ଷ୍ଟାର ଟେଲର ସୁପ୍ଟଙ୍କ ପାଇଁ ବ୍ୟାଙ୍କ ଲୁଟିଲେ ପ୍ରଶଂସକ
ନୂଆଦିଲ୍ଲୀ : କଳାକାରଙ୍କ ସଫଳତା ଫଛରେ ପ୍ରକୃତରେ ପ୍ରଶଂସକମାନଙ୍କ ହାତ ରହିଥାଏ । ପ୍ରଶଂସକ ହି ଁ ଜଣେ ସାଧାରଣ କଳାକାରଙ୍କୁ ଶ୍ରେଷ୍ଠ କଳାକର ଭାବେ ପରିଚିତ କରାଇଥାଏ। ତେବେ ବେଳେବେଳେ ପ୍ରଶଂସକଙ୍କ ଭଲ ପାଇବା ପାଗଳାମିର ରୂପ ନେଇଥାଏ। ଯାହା ପାଇଁ କଳାକାରଙ୍କୁ ଅନେକ ପ୍ରକାରର ଅସୁବିଧାର ସମ୍ମୁଖିନ ହେବାକୁ ପଡ଼ିଥାଏ । ଏପରି ଏକ ଘଟଣା ଆମେରିକାରେ ଦେଖିବାକୁ ମିଳିଛି । ପ୍ରସିଦ୍ଧ ହଲିଉଡ଼ ପପ୍ଷ୍ଟାର ଟେଲର ସୁପ୍ଟଙ୍କ ପାଇଁ ଜଣେ ପ୍ରଶଂସକ ବ୍ୟାଙ୍କ ଚୋରି କରିଥିବା ଘଟଣା ସମ୍ନାକୁ ଆସିଛି । ଖାଲି ସେତିକି ନୁହଁ ଗାୟିକାଙ୍କୁ ତାଙ୍କ ପ୍ରତି ଆର୍କଷିତ କରାଇବା ପାଇଁ ସେ ଚୋରି ଟଙ୍କାକୁ ନେଇ ତାଙ୍କ ଘରେ ଫୋପାଡ଼ିଥିଲେ।
Sambad is now on WhatsApp
Join and get latest news updates delivered to you via WhatsApp
ଘଟଣା ଅନୁଯାୟୀ , କନେକ୍ଟିକଟ ସହରରେ ରହୁଥିବା ବ୍ରୁସି ରାଓ୍ଵଲି ପ୍ରସିଦ୍ଧ ପପ୍ଷ୍ଟାର ଟେଲର ସ୍ୱିପ୍ଟଙ୍କୁ ବହୁତ ପସନ୍ଦ କରନ୍ତି । ନିଜର ଭଲପାଇବା ଏବଂ ନିଜକୁ ଶ୍ରେଷ୍ଠ ପ୍ରଶଂସକ ପ୍ରମାଣିତ କରିବାକୁ ପାଇଁ ସେ ବ୍ୟାଙ୍କ ଚୋରି କରିଥିଲେ । ଖାଲି ଯେ ବ୍ୟାଙ୍କ ଚୋରି କରିଥିଲେ ତାହା ନୁହଁ ବରଂ ଚୋରି କରିଥିବା ସମସ୍ତ ଟଙ୍କାକୁ ଏକ ଗାଡ଼ିରେ ଭର୍ତ୍ତି କରି ଦୁଇ ଘଣ୍ଟା ଗାଡ଼ି ଚଳାଇ ଯାଇ ଗାୟିକାଙ୍କ ଘରେ ପହଞ୍ଚିଥିଲେ । ସେଠାରେ ପହଞ୍ଚି ଟେଲରଙ୍କ ଘର ଉପରକୁ ସମସ୍ତ ଟଙ୍କା ଫୋପାଡ଼ିଥିଲେ । ଏହା ସହ ଗାୟିକାଙ୍କୁ ଦେଖା କରିବା ପାଇଁ ଜିଦ୍ କରିଥିଲେ। କିନ୍ତୁ ଭାଗ୍ୟବଶତଃ ଗାୟିକା ଜଣଙ୍କ ସେହି ସମୟରେ ଘରେ ଉପସ୍ଥିତ ନଥିଲେ । ଘଟଣା ସ୍ଥଳରେ ପୁଲିସ ପହଞ୍ଚି ପ୍ରଶଂସକ ରାଓ୍ଵଲିଙ୍କୁ ଗିରଫ କରିଥିଲେ । ଘଟଣାଟିର ତଦନ୍ତ କରାଯାଉଥିବା ବେଳେ ଅଭିଯୁକ୍ତ ସମସ୍ତ ଦୋଷ ସ୍ୱୀକାର କରିବା ସହ ନିଜକୁ ଟେଲରଙ୍କ ବହୁତ ଭଲ ପ୍ରଶଂସକ କହିଥିଲେ ।