ଲାଇଭ୍ ସୋ’ରେ କରଣଙ୍କୁ ନେଇ ବିବାଦୀୟ ବୟାନ ଦେଲେ କଙ୍ଗନା; ସେ କାହାକୁ ବି ଅନ୍ତବସ୍ତ୍ରର ରଙ୍ଗ ପଚାରି ପାରନ୍ତି
ମୁମ୍ବାଇ : ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ଵତ୍ ଏବଂ ନିର୍ଦ୍ଦେଶକ-ପ୍ରଯୋଜକ କରଣ ଜୋହରଙ୍କ ମଧ୍ୟରେ ବିବାଦ ଖୁବ୍ ପୁରୁଣା । ବଲିଉଡ୍ରେ ଚାଲିଥିବା ପ୍ରିୟାପ୍ରୀତି ତୋଷଣକୁ ନେଇ ଦୁହିଁଙ୍କ ମଧ୍ୟରେ ପୂର୍ବରୁ ଅନେକ ବାଦବିବାଦ ଦେଖା ଯାଇ ସାରିଛି । କିଛି ଦିନ କରଣଙ୍କୁ ନେଇ କୌଣସି ବିବାଦୀୟ କଥା କହି ନ ଥିବା କଙ୍ଗନା ଏବେ ପୁଣି ଥରେ ନିଜ ମୁହଁ ଖୋଲିଛନ୍ତି । କମେଡି ସୋ’ ଦ କପିଲ ଶର୍ମା ସୋ’କୁ ପହଞ୍ଚି ସେ କରଣଙ୍କୁ ନେଇ ଏକ ବଡ଼ ଖୁଲାସା କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ କପିଲଙ୍କ କମେଡି ସୋ’କୁ ନିଜ ଫିଲ୍ମ ‘ଜଜ୍ମେଣ୍ଟାଲ ହେ କ୍ୟା’ର ପ୍ରମୋସନ ପାଇଁ ପହଞ୍ଚିଥିଲେ କଙ୍ଗନା । ଯେଉଁଠି କପିଲ ତାଙ୍କୁ ଦେଶର ପ୍ରଧାନମନ୍ତ୍ରୀ ହେଲେ ବଲିଉଡ୍ର କେଉଁ କଳାକାରଙ୍କୁ କେଉଁ ଦାୟିତ୍ୱ ଦେବେ ବୋଲି ପଚାରିଥିଲେ । ସୂଚନା ଓ ପ୍ରସାରଣ ମନ୍ତ୍ରାଳୟ କାହାକୁ ଦେବେ ବୋଲି ପଚାରିବା ପରେ କଙ୍ଗନା ନିର୍ଦ୍ଦେଶକ-ପ୍ରଯୋଜକ କରଣ ଜୋହରଙ୍କ ନାଁ ନେଇଥିଲେ । କଙ୍ଗନାଙ୍କ ଅନୁଯାୟୀ, କରଣଙ୍କୁ ଅନ୍ୟ ବିଷୟରେ କଥା ହେବାକୁ ଭଲ ଲାଗେ । ସେ ନିଜେ ମଧ୍ୟ ସେଭଳି ଏକ ସୋ’ କରୁଛନ୍ତି । ଯେଉଁଠାକୁ ସମସ୍ତଙ୍କୁ ଡ଼ାକି ଅଜବ ଅଜବ ପ୍ରଶ୍ନ କରୁଛନ୍ତି । କରଣ କିଛି ବିଚାର ନ କରି ଆଜି ତୁମେ କେଉଁ ରଙ୍ଗର ଅନ୍ତବସ୍ତ୍ର ପିନ୍ଧିଛ ବୋଲି ମଧ୍ୟ ପ୍ରଶ୍ନ କରି ପାରନ୍ତି । ସେଥିପାଇଁ କରଣ ଏହି ବିଭାଗ ପାଇଁ ଠିକ୍ ବୋଲି କହିଥିଲେ କଙ୍ଗନା ।