ମା’ଙ୍କର ଏହି ଭୁଲ ପାଇଁ ତଳେ ଶୋଇବାକୁ ବାଧ୍ୟ ହୋଇଥିଲେ ଟାଇଗର ଶ୍ରଫ୍ !
ମୁମ୍ବାଇ : ଜଣେ ଷ୍ଟାର କିଡ୍ ହୋଇ ମଧ୍ୟ ନିଜ ବଳରେ ବଲିଉଡ୍ରେ କ୍ୟାରିୟର କରିବାରେ ଲାଗି ପଡ଼ିଛନ୍ତି ଅଭିନେତା ଟାଇଗର ଶ୍ରଫ୍ । ଆଗକୁ ତାଙ୍କ ଅଭିନୀତ ଫିଲ୍ମ ଓ୍ଵାର୍ ରିଲିଜ୍ ହେବାକୁ ଥିବା ବେଳେ ଏଥିରେ ସେ ପ୍ରଥମ ଥର ପାଇଁ ରିତିକ୍ ରୋଶନଙ୍କ ସହ ନଜର ଆସିବେ । ତେବେ ଫିଲ୍ମ ପାଇଁ ଟାଇଗର ଚର୍ଚ୍ଚାରେ ଥିବା ବେଳେ ଛୋଟ ବେଳେ ତାଙ୍କ ସହ ଘଟିଥିବା ଏକ ଘଟଣା ବିଷୟରେ କହି ଚର୍ଚ୍ଚାରେ ରହିଛନ୍ତି ଟାଇଗର । ତାଙ୍କ ମା’ଙ୍କ କେଉଁ ଭୁଲ ପାଇଁ ତାଙ୍କୁ ଛୋଟ ବେଳେ ତଳେ ଶୋଇବାକୁ ପଡ଼ିଥିଲା, ସେ ବିଷୟରେ ଜଣାଇଛନ୍ତି ଟାଇଗର ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ପ୍ରଥମ ଥର ପାଇଁ ମୋ ମା’ ଆୟଶା ଶ୍ରଫ୍ ଫିଲ୍ମ ବୁମ୍ର ପ୍ରଯୋଜନା ଦାୟିତ୍ୱ ତୁଲାଇଥିଲେ । ଯାହା ତାଙ୍କ ଜୀବନର ସବୁଠାରୁ ବଡ଼ ଭୁଲ ଥିଲା । କିନ୍ତୁ ଫିଲ୍ମଟି ରିଲିଜ୍ ପୂର୍ବରୁ ଲିକ୍ ହୋଇଯିବା ସହ ରିଲିଜ୍ ପରେ ଫିଲ୍ମଟି ବକ୍ସ ଅଫିସରେ ଫ୍ଲପ୍ ହୋଇଥିଲା । ୨୦୦୩ରେ ଫିଲ୍ମଟି ରିଲିଜ୍ ହୋଇଥିବା ବେଳେ ଫିଲ୍ମରେ ଅମିତାଭ ବଚ୍ଚନ, ଜାକି ଶ୍ରଫ୍ ଓ ଗୁଲଶନ ଗ୍ରୋଭର କାମ କରିଥିଲେ । ଫିଲ୍ମଟି ଫ୍ଲପ୍ ହେବା ପରେ ଘରର ସବୁ ଜିନିଷ ଗୋଟେ ପରେ ଗୋଟେ ବିକ୍ରି ହେବାରେ ଲାଗିଥିଲା । ଘରର ସବୁ ଆସବାବପତ୍ର ବିକ୍ରି ହୋଇଯିବା ସହ ଆମେ ସମସ୍ତେ ତଳେ ଶୋଇବାକୁ ବାଧ୍ୟ ହୋଇଥିଲୁ । କିନ୍ତୁ ପରେ ଧିରେ ଧିରେ ସ୍ଥିତି ବଦଳିଥିଲା ।