ଭୁବନେଶ୍ୱର: ୨୦୧୯ର ତୃତୀୟ ଓଡ଼ିଆ ସିନେମାଭାବେ ଆଜି ପରଦାକୁ ଆସୁଛି ‘ଅଜବ ସଂଜୁର ଗଜବ ଲଭ୍’ । ଏଥିରେ ୨୦୧୯ର ଓଲିଉଡର ଏକ ପପୁଲାର ପେଆର୍ ପ୍ରାୟ ସାତ ବର୍ଷପରେ ପରଦା ଉପରକୁ ପୁଣି ଆସୁଛନ୍ତି। ଏହି ଯୋଡ଼ି ହେଲେ ବାବୁସାନ୍ – ଅର୍ଚ୍ଚିତା। ଏହି ଯୋଡ଼ି ଯେଉଁ ସିନେମା ଜରିଆରେ କମ୍ବ୍ୟାକ୍ କରୁଛନ୍ତି,ତାହାର ଟାଇଟଲ୍ ହେଲା‘ଅଜବ ସଂଜୁର ଗଜବ ଲଭ୍’ ।ଏହାର ନିର୍ଦ୍ଦେଶକ ହେଲେ ଅଶୋକ ପତି।
Sambad is now on WhatsApp
Join and get latest news updates delivered to you via WhatsApp
ବାବୁସାନ୍-ଅର୍ଚ୍ଚିତାଙ୍କ ଯୋଡ଼ିକୁ ଦର୍ଶକ ଆଗରୁ ଅଶୋକ ପତିଙ୍କ ନିର୍ଦ୍ଦେଶିତ ‘ଲୋଫର୍’,ସୁଶାନ୍ତ ମଣିଙ୍କ ନିର୍ଦ୍ଦେଶିତ ‘ଚକୋଲେଟ୍’ ଓ ପ୍ରଶାନ୍ତ ନନ୍ଦଙ୍କ ନିର୍ଦ୍ଦେଶିତ ‘ଥୁକୁଲ୍’ରେ ଦେଖିବାକୁ ପାଇଥିଲେ।‘ଅଜବ ସଂଜୁର ଗଜବ ଲଭ୍’ର ଅନ୍ୟ ପ୍ରମୁଖ କଳାକାର ହେଲେ ମିହିର ଦାସ ଏବଂ ବବି ମିଶ୍ର । ଏହାର ସଂଳାପକାର ହେଲେ ରଂଜିତ ପଟ୍ଟନାୟକ ଏବଂ ସଙ୍ଗୀତକାର ହେଲେ ପ୍ରେମ ଆନନ୍ଦ। ସାଇଶ୍ରଦ୍ଧା ଟେଲି ପ୍ରଡକସନ୍ସ ବ୍ୟାନରର ଏହା ଦ୍ୱିତୀୟ ସିନେମା। ଏହା ଆଗରୁ ଏହି ସଂସ୍ଥା ‘ ସାଥୀ ତୁ ଫେରିଆ’ ଟାଇଟଲରେ ଏକ ସିନେମା ତିଆରି କରିଥିଲେ ଯାହା ଗତ ବର୍ଷ ରିଲିଜ୍ ହୋଇଥିଲା।