ବାପାଙ୍କ ପ୍ରସ୍ତାବକୁ ନାଁ କହିଲେ ବରୁଣ, ଗୋବିନ୍ଦାଙ୍କ ସହ ନିଜକୁ ତୁଳନା କରାଯିବ ଭାବି ଫିଲ୍ମ କରିବା ପାଇଁ ମନା କଲେ
ମୁମ୍ବାଇ : ସଫଳତାର ଶୀର୍ଷରେ ପହଞ୍ଚିଥିବା ଅଭିନେତା ବରୁଣ ଧଓ୍ଵନ ତାଙ୍କ ବାପା ଡେଭିଡ଼୍ ଧଓ୍ଵନଙ୍କ ଏ ବଡ଼ ପ୍ରସ୍ତାବକୁ ନାଁ ବୋଲି କହିଥିବା ଜଣାପଡ଼ିଛି । ଡ଼େଭିନ୍ ଧଓ୍ଵନ ଅଭିନେତା ଗୋବିନ୍ଦାଙ୍କ ସହ ମିଶି ନିର୍ମାଣ କରିଥିବା ଫିଲ୍ମର ରିମେକ୍ କରିବା ପାଇଁ ଚାହୁଁଥିଲେ । ଏ ନେଇ ସେ ନିଜ ପୁଅକୁ ମୁଖ୍ୟ ଭୂମିକାରେ ଆଣିବା ପାଇଁ ଇଚ୍ଛା ପ୍ରକାଶ କରିଥିବା ବେଳେ ବରୁଣ ଏହି ପ୍ରସ୍ତାବକୁ ନାମଞ୍ଜୁର କରିଥିବା ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଡେଭିଡ୍ ଧଓ୍ଵନ କୁଲି ନମ୍ବର ଓ୍ଵାନ୍, ହିରୋ ନମ୍ବର ଓ୍ଵାନ୍ ଏବଂ ରାଜା ବାବୁ ଫିଲ୍ମର ରିମେକ୍ କରିବା ପାଇଁ ଇଚ୍ଛା କରିଥିଲେ । ଏହା ସହ କୁଲି ନମ୍ବର ଓ୍ଵାନ୍ରେ ବରୁଣ ଏବଂ ଡେଭିଡ଼୍ ମିଶି କରି କାମ କରିବେ ବୋଲି ଖବର ମିଳିଥିଲା । କିନ୍ତୁ ଏବେ ବରୁଣ ଫିଲ୍ମ କରିବା ପାଇଁ ମନା କରି ଦେଇଥିବା ଜଣାପଡ଼ିଛି । ଫିଲ୍ମ କଲେ ତାଙ୍କର ତୁଳନା ସିଧାସଳଖ ଗୋବିନ୍ଦାଙ୍କ ସହ ହେବ । ଏହା ତାଙ୍କ କ୍ୟାରିୟରକୁ ପ୍ରଭାବିତ କରିବ ବୋଲି କହିବା ପରେ ଡେଭିଡ଼୍ ରିମେକ୍ କରିବାର ମନ ବଦଳାଇ ଦେଇଥିବା କହିଛନ୍ତି।