ଶାହାରୁଖ୍ ଖାନ୍ଙ୍କ ଦୀପାବଳି ପାର୍ଟିକୁ ଜନ୍ମଦିନ ପାର୍ଟିି ବୋଲି ଭାବି ନେଇଥିଲେ ବିକି କୌଶଲ, ମନ୍ନତରେ ପହଞ୍ଚିବା ପରେ….
ମୁମ୍ବାଇ : ଗତ କିଛି ଦିନ ମଧ୍ୟରେ ଅଭିନେତା ବିକି କୌଶଲଙ୍କର ରିଲିଜ୍ ହୋଇଥିବା ଫିଲ୍ମ ତାଙ୍କୁ ସଫଳତାର ଶୀର୍ଷରେ ଆଣି ପହଞ୍ଚାଇଛି । କିଛି ସପ୍ତାହ ପୂର୍ବରୁ ରିଲିଜ୍ ହୋଇଥିବା ତାଙ୍କ ଫିଲ୍ମ ‘ଉରୀ : ଦ ସର୍ଜିକାଲ ଷ୍ଟ୍ରାଇକ୍’ରେ ତାଙ୍କର ଚମତ୍କାର ଅଭିନୟ ତାଙ୍କୁ ଏକ ସ୍ୱତନ୍ତ୍ର ପରିଚୟ ଆଣି ଦେଇଥିଲା । ଫିଲ୍ମ ରିଲିଜ୍ ପରେ ପରେ ତାଙ୍କ ନାଁ ଏବେ ବଡ଼ ବଡ଼ କଳାକାରମାନଙ୍କ ସୂଚୀରେ ସାମିଲ ହୋଇଥିବା ବେଳେ ଗୋଟେ ପରେ ଗୋଟେ ଫିଲ୍ମର ବଡ଼ ଅଫର ତାଙ୍କୁ ମିଳୁଥିବା ଦେଖା ଯାଇଛି । ତେବେ ଏକ ସାକ୍ଷାତକାରରେ ଯୋଗ ଦେଇ ବିକି ନିଜ ସହ ଘଟିଥିବା ଯେଉଁ ଘଟଣାର ଖୁଲାସା କରିଛନ୍ତି, ତାହା ତାଙ୍କୁ ଚର୍ଚ୍ଚାର ପରସରକୁ ଆଣିଛି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ୨୦୧୮ରେ ମୋତେ ଶାହାରୁଖ୍ ଖାନ୍ ଫୋନ କରି ପାର୍ଟିରେ ଯୋଗ ଦେବା ପାଇଁ ନିମନ୍ତ୍ରଣ କରିଥିଲେ । ଏହା ପରେ ମୁଁ ସେଠାରେ ଯାଇ ଠିକ୍ ସମୟରେ ପହଞ୍ଚି ଯାଇଥିଲି । କିନ୍ତୁ ସେଠାକୁ ଯିବା ପରେ ତାହା ଜନ୍ମଦିନ ନୁହେଁ ବରଂ ଦୀପାବଳି ପାର୍ଟି ବୋଲି ମୁଁ ଜାଣିବାକୁ ପାଇଥିଲି । ସେଠାକୁ ସମସ୍ତେ ପାରମ୍ପରିକ ପୋଷାକ ପିନ୍ଧି ଆସିଥିବା ବେଳେ ମୋ ପୋଷାକ ସବୁଠାରୁ ଭିନ୍ନ ଥିଲା । ସମସ୍ତେ ମୋତେ ଚାହୁଁଥିଲେ ବୋଲି କହିଛନ୍ତି ବିକି ।