ବିଶାଲ ଡାଡ୍ଲାନୀ-ତହସିନ ପୁନାବାଲାଙ୍କ ଉପରେ ୧୦-୧୦ଲକ୍ଷ ଟଙ୍କାର ଜରିମାନା ଲଗାଇଲେ ଅଦାଲତ
ମୁମ୍ବାଇ : ପଞ୍ଜାବ ଏବଂ ହରିୟାଣା ହାଇକୋର୍ଟ କଣ୍ଠଶିଳ୍ପୀ ବିଶାଲ ଡାଡ୍ଲାନୀ ଏବଂ ରାଜନୈତି କାର୍ଯ୍ୟକର୍ତ୍ତା ତହସିନ୍ ପୁନାବାଲାଙ୍କ ଉପରେ ୧୦-୧୦ଲକ୍ଷ ଟଙ୍କାର ଜରିମାନା ଲଗାଇଛନ୍ତି । ବିଶାଲ ଏବଂ ତହସିନ୍ ୨୦୧୬ରେ ଦିବଂଗତ ଜୈନ ମୁନିଙ୍କୁ ନେଇ ସୋସିଆଲ ମିଡିଆରେ ଆପତ୍ତିଜନକ ଟିପ୍ପଣୀ ଦେଇଥିଲେ । ଏଭଳି ଦଣ୍ଡ ଦେଇ ଆଗକୁ ଯେମିତି କେହି କୌଣସି ଧର୍ମର ଧର୍ମଗୁରୁଙ୍କୁ ନେଇ ଏଭଳି ଟିପ୍ପଣୀ ନ ଦେଉ ସେ ନେଇ ଚେତାଇ ଦେଇଛି ହାଇକୋର୍ଟ । ତେବେ ନିଜର ଆପତ୍ତିଜନକ ଟିପ୍ପଣୀ ପାଇଁ ବିଶାଲ କ୍ଷମା ମାଗିଥିଲେ ମଧ୍ୟ ଏହି ମାମଲା ଉପରେ ନିଜର ଏଭଳି ରାୟ ଶୁଣାଇଛନ୍ତି ହାଇକୋର୍ଟ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୬ରେ ଜୈନ ମୁନି ତରୁଣ ସାଗରଙ୍କ ବିରୋଧରେ ଆପତ୍ତିଜନକ ଟିପ୍ପଣୀ ଦେବାରୁ ଦୁହିଁଙ୍କୁ ପୁଲିସ ହେପାଜତକୁ ନେଇଥିଲା । ଏହା ପରେ ବିଶାଲ ଏବଂ ତହସିନ୍ ପୁଲିସ ଏବଂ ଏତଲା ବିରୋଧରେ ସୁପ୍ରିମ କୋର୍ଟର ଦ୍ୱାରସ୍ତ ହୋଇଥିଲେ । କିନ୍ତୁ ସୁପ୍ରିମ କୋର୍ଟ ଦୁହିଁଙ୍କୁ ହାଇକୋର୍ଟ ଯିବା ପାଇଁ ନିର୍ଦ୍ଦେଶ ଦେଇଥିଲେ ।