ଆଜି ଛୋଟ ପରଦାରେ ରାଜ କରୁଥିବା ଏହି ନାୟିକା ଦିନେ ଚିନ୍ତାଗ୍ରସ୍ତ ହୋଇ ଆତ୍ମହତ୍ୟା କରିବେ ବୋଲି ଭାବିଥିଲେ, ହେଲେ ଜାଣନ୍ତୁ କିଏ ବଦଳାଇଥିଲେ ତାଙ୍କ ନିଷ୍ପତ୍ତି
ମୁମ୍ବାଇ : ଆଗରୁ କିଛି ଫିଲ୍ମ ଏବଂ ଅନେକ ଧାରାବାହିକରେ ନଜର ଆସିଥିବା ଏହି ନାୟିକା ଏବେ ଛୋଟ ପରଦାରେ ଏକ ଚର୍ଚ୍ଚିତ ଚେହେରା । ନିଜ ଅଭିନୟ ଏବଂ ପୋଷାକ ପରିଧାନ ଶୈଳୀ ପାଇଁ ସେ ସମସ୍ତଙ୍କର ପ୍ରିୟ । ଷ୍ଟାର୍ପ୍ଲସ ଚ୍ୟାନେଲରେ ପ୍ରସାରିତ ହେଉଥିବା ମେଗା ଧାରାବାହିକ ‘ୟେ ହେ ମହବତେଁ’ରେ ସେ ଜଣେ ଖଳନାୟିକା ଭୂମିକାରେ ଆସି ସମସ୍ତଙ୍କ ମନ ଜିଣିଥିବା ବେଳେ ଏବେ ଆଉ ଗୋଟେ ଧାରାବାହିକରେ ଦର୍ଶକମାନେ ତାଙ୍କୁ ଦେଖିବାକୁ ଯାଉଛନ୍ତି । କଲର୍ସ ଚ୍ୟାନେଲରେ ପ୍ରସାରିତ ହେବାକୁ ଥିବା ‘ନାଗିନ୍’ର ତୃତୀୟ ଭାଗରେ ନଜର ଆସିବାକୁ ଯାଉଛନ୍ତି ଅନିତା ହସ୍ନନ୍ଦଆନି ।
Sambad is now on WhatsApp
Join and get latest news updates delivered to you via WhatsApp
ହେଲେ, ପରଦା ଉପରେ ଜଣେ ସଫଳ ଖଳନାୟିକାର ଭୂମିକାରେ ସମସ୍ତଙ୍କର ମନୋରଞ୍ଜନ କରୁଥିବା ଏହି ନାୟିକା ଦିନେ ଆତ୍ମହତ୍ୟା କରିବେ ବୋଲି ଭାବିଥିଲେ । ଧାରାବାହିକ ନ ଚାଲିବାରୁ ସେ ଏତେ ଚିନ୍ତାଗସ୍ତ ହୋଇ ଯାଇଥିଲେ ସବୁ କିଛି ଶେଷ କରିଦେବେ ବୋଲି ଭାବି ନେଇଥିଲେ । ଏବେ ‘ନାଗିନ୍-୩’ର ପ୍ରମୋସନ୍ କରିବାକୁ ଯାଇ ସେ ନିଜ ଅତୀତ ବିଷୟରେ ସମସ୍ତଙ୍କୁ ଜଣାଇଛନ୍ତି । ପ୍ରମୋସନ ସମୟରେ ତାଙ୍କୁ ତାଙ୍କ ଅତୀତ ବିଷୟରେ ପଚରାଯିବା ପରେ ସେ ସଙ୍ଗେ ସଙ୍ଗେ ଭାବପ୍ରବଣ ହୋଇଯାଇଥିଲେ । ‘ଧାରାବହିକ ‘କୋଇ ଆପ୍ ସା’ ବିଫଳ ହେବା ପରେ ମୁଁ ପୂରା ଭାଙ୍ଗି ପଡ଼ିଥିଲି । ସମସ୍ତଙ୍କ ସହ କଥାବାର୍ତ୍ତ ହେବା ବନ୍ଦ କରି ଦେଇଥିଲି । ସେ ସମୟରେ ମୋର ସାଥ୍ ଦେଇଥିଲେ ମୋ ମା’ ଏବଂ ଏକ୍ତା କପୁର । ଏକ୍ତା ମୋର ସେହି ଦୁଃଖ ସମୟରେ ମୋ ସାଥ୍ ଦେବା ସହ ସେ ପରିସ୍ଥିତିରୁ ମୋତେ ବାହାର କରିଥିଲେ । ସବୁ ବେଳେ ଆଗକୁ ବଢ଼ିବାର ସାହାସ ଦେଉଥିଲେ ଏକ୍ତା । ଧିରେ ଧିରେ ମୁଁ ସେ ଦୁଃସମୟରୁ ବାହାରି ଆସିଥିଲି । ଆଉ ଏବେ ଲୋକମାନେ ମୋତେ ଏବଂ ମୋ କାମକୁ ପସନ୍ଦ କରୁଛନ୍ତି ।’