କୁଆଡେ ଗଲେ କମେଡି କିଙ୍ଗ୍ କପିଲ ? ମାସେ ହେଲାଣି ଦେଖିବାକୁ ମିଳୁନାହାନ୍ତି !
ମୁମ୍ବାଇ : ଏଇ କିଛି ଦିନ ମଧ୍ୟରେ ହାସ୍ୟ ଅଭିନେତା କପିଲ ଶର୍ମାଙ୍କ ଜୀବନରେ ଏମିତି କିଛି ଘଟି ଯାଇଛି ଯାହା ବିଷୟରେ ସେ ନିଜେ କେବେ ସ୍ୱପ୍ନରେ ସୁଦ୍ଧା ଭାବି ନ ଥିଲେ । ଗୋଟେ ସମୟରେ ତାଙ୍କୁ କମେଡ଼ି କିଙ୍ଗ୍ କୁହାଯାଉଥିବା ବେଳେ ଏବେ ତାଙ୍କୁ ପରଦା ଉପରେ ଦର୍ଶକେ ଦେଖିବା ପାଇଁ ପାଉ ନାହାନ୍ତି । କିଛି ଦିନ ହେଲାଣି ତାଙ୍କର ପତ୍ତା ମିଳୁ ନାହିଁ । କେଉଁଠି ଅଛନ୍ତି, କ’ଣ କରୁଛନ୍ତି ସେ ବିଷୟରେ କାହାକୁ ଜଣା ନାହିଁ । ଯାହାଙ୍କ ଜୀବନଶୈଳୀକୁ ନେଇ ସବୁବେଳେ ଚର୍ଚ୍ଚା ହେଉଥିଲା ଏବେ ତାଙ୍କୁ ସମସ୍ତେ ଧୀରେ ଧୀରେ ଭୁଲି ଯାଉଥିବାର ଦେଖିବାକୁ ମିଳୁଛି ।
Sambad is now on WhatsApp
Join and get latest news updates delivered to you via WhatsApp
କଳାକାର ସୁନୀଲ ଗ୍ରୋଭରଙ୍କ ସହ ତାଙ୍କର ଝଗଡ଼ା ହେବା ପରେ ତାଙ୍କର ବହୁଚର୍ଚ୍ଚିତ ସୋ’ କମେଡ଼ି ନାଇଟ୍ ଉଇଥ୍ କପିଲ ବନ୍ଦ ହୋଇ ଯାଇଥିଲା । ଏହା ପରେ କିଛି ଦିନର ବ୍ୟବଧାନ ପରେ ତାଙ୍କର ଆଉ ଏକ ନୂଆ ସୋ’ ‘ଫ୍ୟାମିଲି ଟାଇମ୍ ଉଇଥ୍ କପିଲ ଶର୍ମା’ ସୋନି ଟିଭିରେ ପ୍ରସାରିତ ହୋଇଥିଲା । କିନ୍ତୁ ସୋ’ର ଟିଆର୍ପି ନ ବଢ଼ିବାରୁ ସୋ’ ବନ୍ଦ କରି ଦିଆଯିବ ବୋଲି କୁହାଯାଇଥିଲା । ଏହାପରେ କପିଲ ଅନେକ ଥର ନୂଆ ସୋ’ର ସୁଟିଂ ବାତିଲ କରିବା ଆରମ୍ଭ କରିଥିଲେ । ଅନେକ କଳାକାର ନିଜ ଫିଲ୍ମର ପ୍ରମୋସନ କରିବାକୁ ଆସି ଫେରି ଯାଇଥିଲେ । ଶେଷରେ ଏହି ସୋ’କୁ ବନ୍ଦ କରି ଦିଆଯାଇଥିଲା । ଏହି ସୋ’ ବନ୍ଦ ହେବାର ମାସେ ପରେ କପିଲ ପୁଣି ଏକ ନୂଆ ଅନ୍ଦାଜରେ ପରଦା ଉପରକୁ ଆସିବେ ବୋଲି ଶୁଣା ଯାଉଥିଲା । କିନ୍ତୁ ଏବେ ମାସେ ପରେ ହୋଇ ଯାଇଥିଲେ ମଧ୍ୟ କପିଲଙ୍କ ଦେଖା ମିଳିନାହିଁ । କେଉଁ ପାର୍ଟି ବା କେଉଁ ସୋ’ରେ ମଧ୍ୟ ତାଙ୍କୁ ଦେଖିବାକୁ ମିଳି ନାହିଁ ।