କଂଗ୍ରେସ ନେତା ଶଶି ଥରୁର୍ଙ୍କୁ ମିଳିଥିଲା ସଲମାନ୍ ଖାନ୍ଙ୍କ ଫିଲ୍ମରେ କାମ କରିବାର ଅଫର, ହେଲେ ଏହି କାରଣ ପାଇଁ କରିଥିଲେ ମନା
ମୁମ୍ବାଇ: କଂଗ୍ରେସ ସାଂସଦ ଶଶି ଥରୁର ନିଜକୁ ନେଇ ଏକ ବଡ଼ ଖୁଲାସା କରିଛନ୍ତି । ବଲିଉଡ୍ର ଜଣେ ବଡ଼ ନିର୍ଦ୍ଦେଶକ ତାଙ୍କୁ ଫିଲ୍ମର ଅଫର ଦେଇଥିବା ନେଇ କହି ସେ ଏବେ ଚର୍ଚ୍ଚାର ରହିଛନ୍ତି । ଏହି ଫିଲ୍ମରେ ତାଙ୍କ ସହ ସଲମାନ କାମ କରିବାକୁ ଥିବା ବେଳେ ସେ ଏହି ଫିଲ୍ମ କରିବାକୁ ମନା କରି ଦେଇଥିଲେ ବୋଲି କହିଛନ୍ତି । ଏକ ସାକ୍ଷାତକାରରେ ଯୋଗ ଦେଇ ସେ ଏହାର ଖୁଲାସା କରିଥିବା ଦେଖାବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ ଫିଲ୍ମରେ ସଲମାନ ଥିବା ସହ ତାଙ୍କୁ ଏକ ବିଦେଶ ମନ୍ତ୍ରୀର ଚରିତ୍ରରେ ଅଭିନୟ କରିବା ପାଇଁ ପ୍ରସ୍ତାବ ଦିଆଯାଇଥିଲା । କିନ୍ତୁ ତାଙ୍କର ଜଣେ ବନ୍ଧୁ ମନା କରିବାରୁ ସେ ଏହାକୁ କରିବାକୁ ମନା କରି ଦେଇଥିଲେ । ତାଙ୍କ ବନ୍ଧୁ, ଯଦି ତୁମେ ସତରେ ବିଦେଶ ମନ୍ତ୍ରୀ ହେବାକୁ ଚାହୁଁଛ, ତେବେ ଫିଲ୍ମରେ ସେ ଚରିତ୍ର କର ନାହିଁ ବୋଲି କହିବାରୁ ସେ ତାଙ୍କ କଥା ମାନି ଫିଲ୍ମ କରିବାକୁ ମନା କରି ଦେଇଥିଲେ ବୋଲି ଶଶି ଥରୁର୍ କହିଛନ୍ତି ।