ଏହି କାରଣ ଦର୍ଶାଇ ରଣବୀର କପୁରଙ୍କୁ ବ୍ଲକ୍ ଏବଂ ବରୁଣ ଧଓ୍ଵନଙ୍କୁ ଅନ୍ଫଲୋ କରିବେ କରଣ ଜୋହର
ମୁମ୍ବାଇ : ନିର୍ଦ୍ଦେଶକ-ପ୍ରଯୋଜକ କରଣ ଜୋହର ବଲିଉଡ୍ ଅଭିନେତା ରଣବୀର କପୁର ଏବଂ ବରୁଣ ଧଓ୍ଵନଙ୍କୁ ନେଇ ଏକ ବଡ଼ ଖୁଲାସା କରିଛନ୍ତି । ଯାହାକୁ ନେଇ ଚର୍ଚ୍ଚା ଜୋର ଧରିଛି । କରଣ ରଣବୀରଙ୍କୁ ବ୍ଲକ୍ କରିବା ସହ ବରୁଣଙ୍କୁ ଅନ୍ଫଲୋ କରିବାକୁ ଚାହୁଁଥିବା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ କରଣ ଜୋହର ଆର୍ବାଜ୍ ଖାନ୍ଙ୍କ ଚାଟ୍ ସୋ’ ପିଞ୍ଚ୍ ବାଏ ଆର୍ବାଜ୍ ଖାନ୍ରେ ଆସି ପହଞ୍ଚିଥିଲେ । ଯେଉଁଠି ତାଙ୍କୁ ଆଲିଆ, ଜାହ୍ନବୀ ଏବଂ ସାରାଙ୍କ ମଧ୍ୟରୁ କାହାକୁ ବ୍ଳକ୍ ବା ଅନ୍ଫଲୋ କରିବା ପାଇଁ କୁହାଯାଇଥିଲା । ଏହା ଶୁଣି ସେ କାହାକୁ ବ୍ଳକ୍ ବା ଅନ୍ଫଲୋ କରିବାକୁ ଚାହିଁବେ ନାହିଁ ବୋଲି କହିଥିଲେ । ପରେ ଅର୍ବାଜ୍ ସିଦ୍ଧାର୍ଥ ମଲହୋତ୍ରା, ବରୁଣ ଧଓ୍ଵନ ଏବଂ ରଣବୀର କପୁରଙ୍କ ନାଁ ନେବା ପରେ କରଣ ରଣବୀରଙ୍କୁ ବ୍ଲକ୍ କରିବେ ବୋଲି କହିଥିଲେ । ଏହାର କାରଣ ପଚରାଯିବା ପରେ, ରଣବୀର ସୋସିଆଲ ମିଡିଆରେ ଆକ୍ଟିଭ୍ ନାହାନ୍ତି, ସେଥିପାଇଁ ମୁଁ ତାଙ୍କୁ ବ୍ଲକ୍ କରିବି । ବରୁଣଙ୍କୁ ଅନ୍ଫଲୋ କରିବି, କାରଣ ଅସଲ ଜୀବନରେ ମୁଁ ତାଙ୍କୁ ଫଲୋ କରେ ବୋଲି କହିଥିଲେ କରଣ । ସିଦ୍ଧାର୍ଥଙ୍କୁ ସେ ଫଲୋ କରିବାକୁ ପସନ୍ଦ କରିବେ ବୋଲି କହିଥିଲେ ।