ସାଙ୍ଗକୁ ମୃଦୁପାନୀୟ ନ ମିଳିବାରୁ କନ୍ୟାକୁ ନେବା ପାଇଁ ମନା କରିଦେଲା ବର, ତା’ ପରେ……..
ବାରଣାସୀ : ବାରଣାସୀର ଫୁଲପୁର ଥାନା ଅଞ୍ଚଳରେ ବିବାହ ପରେ ବର କନ୍ୟାକୁ ନେବା ପାଇଁ ମନା କରିଦେବା ଘଟଣାକୁ ନେଇ ଏବେ ଚର୍ଚ୍ଚା ଜୋର ଧରିଛି । ସାମାନ୍ୟ କାରଣରୁ ଆରମ୍ଭ ହୋଇଥିବା ଏହି ଘଟଣା ଶେଷରେ ପୁଲିସ ଷ୍ଟେସନରେ ଯାଇ ପହଞ୍ଚିଥିଲା । ଯାହା ପରେ ବର କନ୍ୟାକୁ ନେବା ପାଇଁ ରାଜି ହୋଇଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅନୀତା ଏବଂ ବିଜୟ ପରସ୍ପରକୁ ଭଲ ପାଉଥିବା ବେଳେ ବର୍ଷକ ପରେ ଦୁହିଁଙ୍କ ବିବାହ ସ୍ଥିର ହୋଇଥିଲା । ମଙ୍ଗଳବାର ରାତିରେ ବିଜୟ ବରଯାତ୍ରୀଙ୍କୁ ସାଥୀରେ ନେଇ ଅନୀତାଙ୍କ ଘରେ ପହଞ୍ଚିଥିଲେ । ବିବାହ ସରିବା ପରେ ବିଜୟଙ୍କ ସାଙ୍ଗମାନେ ବେଦୀ ଉପରେ ବସିଥିଲେ । ଏହି ସମୟରେ ଜଣେ ମୃଦୁପାନୀୟ ପିଇବାକୁ ମାଗିବାରୁ ଅନୀତାଙ୍କ ଘର ଲୋକ ନଥିବା କହି ମନା କରି ଦେଇଥିଲେ । ଯାହା ପରେ ବିଜୟ ରାଗିଯିବା ସହ କନ୍ୟାପକ୍ଷ ଏବଂ ବରପକ୍ଷ ମଧ୍ୟରେ ଝଗଡ଼ା ଆରମ୍ଭ ହୋଇ ଯାଇଥିଲା । ରାଗରେ ବିଜୟ ଅନୀତାଙ୍କୁ ନେବା ପାଇଁ ମନା କରି ଦେଇଥିଲେ । ପରିସ୍ଥିତି ଅସମ୍ଭାଳ ହେବାରୁ ପୁଲିସକୁ ଏ ନେଇ ସୂଚନା ଦିଆଯାଇଥିଲା । ପରେ ପୁଲିସ ଆସି ବୁଝାସୁଝା କରିବାରୁ ବିଜୟ ଅନୀତାଙ୍କୁ ନେଇ ନିଜ ଘରକୁ ଯାଇଥିଲେ ।