ସିଆଇଏସଏଫରେ ଭର୍ତ୍ତି ହେବେ ୧.୨ ଲକ୍ଷ ନୂଆ ଯବାନ, ପୂର୍ବତନ ସୈନିକଙ୍କୁ ମିଳିପାରେ ସୁଯୋଗ
ନୂଆଦିଲ୍ଲୀ: କେନ୍ଦ୍ରୀୟ ଔଦ୍ୟୋଗିକ ସୁରକ୍ଷା ବଳ ବା ସିଆଇଏସଏଫରେ ଖୁବ ଶୀଘ୍ର ୧.୨ ଲକ୍ଷ ଯବାନଙ୍କୁ ନିଯୁକ୍ତି ମିଳିପାରେ | ଗୃହ ମନ୍ତ୍ରାଳୟ ପକ୍ଷରୁ ସିଆଇଏସଏଫରେ ପ୍ରଥମ ଥର ପାଇଁ ପାଖାପାଖି ୧.୨ ଲକ୍ଷ ସେବା ନିବୃତ୍ତ ଯବାନଙ୍କୁ ପୁଣି ନିଯୁକ୍ତି ଦେବାକୁ ଯୋଜନା କରାଯାଉଛି | ସିଆଇଏସଏଫର ମହାନିର୍ଦ୍ଦେଶକ ସବୁ ମହାନିରୀକ୍ଷକଙ୍କୁ ଏନେଇ ନିଜ ନିଜ ଅଞ୍ଚଳରେ ଥିବା ଶିଳ୍ପ ପ୍ରତିଷ୍ଠାନ ମାନଙ୍କର ଠିକଣା ଜଣାଇବାକୁ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଯେଉଁ ସବୁ ଶିଳ୍ପ ପ୍ରତିଷ୍ଠାନରେ ସିଆଇଏସଏଫ ଯବାନମାନେ ମୁତୟନ ହେବେ ସେହି ସବୁ ଶିଳ୍ପ ପ୍ରତିଷ୍ଠାନର ଠିକଣା ଦେବାକୁ କୁହାଯାଇଛି | ନୂଆ ଯୋଜନା ମୁତାବକ ସିଆଇଏସଏଫର କ୍ଷମତା ୧ ଲକ୍ଷ ୮୦ ହଜାରରୁ ୩ ଲକ୍ଷକୁ ବଢାଇବାକୁ ନଭେମ୍ବର ୫ ତାରିଖରେ ଏକ ପ୍ରସ୍ତାବ ସଂଶୋଧନ ପାଇଁ ଗୃହ ମନ୍ତ୍ରାଳୟକୁ ପଠାଯାଇଥିଲା |
ଏହା ପୂର୍ବରୁ ସେପ୍ଟେମ୍ବର ୨୩ରେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା ଙ୍କ ଅଧ୍ୟକ୍ଷତାରେ ହୋଇଥିବା ଗୁରୁତ୍ୱପୂର୍ଣ୍ଣ ବୈଠକରେ ୫ ବର୍ଷ ଯାଏଁ ସେବା ନିବୃତ୍ତ ଯବାନମାନଙ୍କୁ ପୁନଃ ନିଯୁକ୍ତି ଦେବା ପାଇଁ ଆଲୋଚନା ହୋଇଥିଲା |